აზიური ფაროსანას იდენტიფიკაციისა და არეალის დადგენის მიზნით, სურსათის ეროვნული სააგენტოს მცენარეთა დაცვის სპეციალისტები თბილისის პარკებში, ბაღებსა და ტყე-პარკებში სპეციალურ მოსაზიდ ხაფანგებს (ფერომონებს) ამონტაჟებენ.

სააგენტოს ცნობით, მონიტორინგის შედეგების გათვალისწინებით, მავნებლის გამოვლენის შემთხვევაში, თბილისის მერიასთან და გარემოს დაცვის სამინსიტროსთან ერთად დაიგეგმება შესაბამისი ღონისძიებები.

ფოტო: სურსათის ეროვნული სააგენტო

ხაფანგები უკვე დაიდგა ვაკის პარკში; მზიურშო; ვ.გოძიაშვილის სახ.პარკში; რიყის პარკში; ვეტერანთა, დასვენების და კულტურის პარკში (კიკვიძის პარკი); დიღმის ტყე-პარკში; თბილისის ზღვის პარკში; დედა ენის პარკში; 9 აპრილის პარკში; 9 მარტის პარკში და ვერის პარკში.

სურსათის ეროვნული საგენტოს ცნობით, მთელი ქვეყნის ტერიტორიაზე დამონტაჯებულია 21 ათასი მოსაზიდი ხაფანგი და მოქმედებს ცხელი ხაზი (15-01).