ირანში აქტივისტებმა Badr-ის სატელიტი გატეხეს, რის შედეგადაც მათ სახელმწიფო ტელეარხებზე წვდომა მიიღეს და ეთერში ემიგრაციაში მყოფი პრინცის, რეზა ფეჰლავის მოწოდებები გადასცეს, რომლებიც ირანელებს ისლამური რესპუბლიკის წინააღმდეგ საპროტესტო გამოსვლებისკენ მოუწოდებდა. ამის შესახებ ინფრომაციას The Jerusalem Post ავრცელებს.

აღნიშნული კადრები ფეჰლავის მედიადეპარტამენტმაც გაავრცელა.

ვიდეოში, რომელიც ეთერში გავიდა გზავნილებია, რომლებიც მომიტინგეებს პროტესტის გაგრძელებისკენ მოუწოდებს.

ასევე ნაჩვენებია მსოფლიოს სხვადასხვა ქვეყანაში გამართული სოლიდარობის აქციების კადრები და საერთაშორისო ლიდერების მხარდაჭერის გზავნილები.

ტელეკომპანია Iran International-ის ცნობით, ფეჰლავიმ ირანის არმიასა და უსაფრთხოების ძალებს მომიტინგეების მხარეს დადგომისკენ მოუწოდა.

ისრაელის საზოგადოებრივი მაუწყებლის, KAN News-ის ინფორმაციით, გატეხილი ეთერი ირანის სახელმწიფო ტელევიზიით დაახლოებით საღამოს 9:30 საათზე გადაიცა.

KAN-ის ცნობითვე, ანტისამთავრობო შინაარსის ეს ტრანსლაცია დაახლოებით 10 წუთის განმავლობაში გაგრძელდა.

შეგახსენებთ, ირანში დემონსტრაციები 2025 წლის 28 დეკემბერს დაიწყო. იმ დღეს, თეირანში მაღაზიების მეპატრონეებმა ეკონომიკური მდგომარეობის გაუარესების გამო პროტესტის ნიშნად თავიანთი ბიზნესები დახურეს. მოგვიანებით, საპროტესტო აქციებს სხვა მსხვილი ქალაქების მაცხოვრებლებიც შეუერთდნენ.

მეტი ირანში განვითარებულ მოვლენებზე: