ილონ მასკის კომპანია Space X-მა ირანისთვის Starlink-ის ინტერნეტი უფასო გახადა. აღნიშნული ინფორმაცია მას შემდეგ გავრცელდა, რაც კვირის დასაწყისში აშშ-ის პრეზიდენტ დონალდ ტრამპსა და მასკს შორის სატელეფონო საუბარი შედგა, რომლის დროსაც მათ ირანში Starlink-ის ხელმისაწვდომობა განიხილეს.

ირანში მასობრივი პროტესტის ფონზე მთავრობამ ინტერნეტწვდომა 8 იანვარს გათიშა და ქვეყანა გარესამყაროს დღემდე მოწყვეტილია.

აშშ-ში დაფუძნებული ადამიანის უფლებათა დამცველი აქტივისტების საინფორმაციო სააგენტოს (HRANA) ცნობით, ირანში დეკემბრის ბოლოს ანტისამთავრობო დემონსტრაციების დაწყებიდან სულ მცირე 2 403 მომიტინგე დაიღუპა.

CNN-ის ინფორმაციით, Starlink ირანის 92-მილიონიანი მოსახლეობის მხოლოდ მცირე ნაწილს დაეხმარება ინტერნეტით, რადგან რეჟიმს Starlink-ის სიგნალის ჩახშობის შესაძლებლობაც აქვს.

ირანის საგარეო საქმეთა მინისტრი, სეიედ აბას არაყჩი თეირანში რეზიდენტ ელჩებსა და დიპლომატიური წარმომადგენლობების ხელმძღვანელებთან შეხვედრაზე განაცხადა, რომ ინტერნეტის ირანელი ხალხის უსაფრთხოების გამო გაითიშა.

ირანში დემონსტრაციები 2025 წლის 28 დეკემბერს დაიწყო. იმ დღეს, თეირანში მაღაზიების მეპატრონეებმა ეკონომიკური მდგომარეობის გაუარესების გამო პროტესტის ნიშნად თავიანთი ბიზნესები დახურეს. მოგვიანებით, საპროტესტო აქციებს სხვა მსხვილი ქალაქების მაცხოვრებლებიც შეუერთდნენ.

აშშ-ში დაფუძნებული ადამიანის უფლებათა დამცველი აქტივისტების საინფორმაციო სააგენტოს (HRANA) ცნობით, ირანში დეკემბრის ბოლოს ანტისამთავრობო დემონსტრაციების დაწყებიდან სულ მცირე 2 403 მომიტინგე დაიღუპა. HRANA-ს წარმომადგენელმა CNN-ს დაუდასტურა, რომ მათ შორის 12 18 წლამდე ასაკის მომიტინგეა. HRANA-მ ასევე განაცხადა, რომ დეკემბრის ბოლოდან სულ მცირე 18 137 ადამიანი დააკავეს.