სადაზღვევო კომპანია ვაიზერი კრეატიული რებრენდინგისთვის დაჯილდოვდა. ქართული ბრენდის დღე 2025-ის ფარგლებში, დეკემბრის ბოლოს, ტრადიციულად დაჯილდოვდნენ ქართული ბრენდები, რომლებმაც წლის განმავლობაში განსაკუთრებულ წარმატებებს მიაღწიეს.

წელს გამარჯვებულები გამოვლინდნენ ექვს ძირითად ნომინაციაში — ლიდერი, რეპუტაცია და ნდობა, წარმატებული ახალი ბრენდი, წარმატებული ტელეპროექტი, წარმატებული ლიტერატურული პროექტი და ბრენდ-პერსონა . ღონისძიების ფარგლებში 27 ნომინანტი დაჯილდოვდა. 2025 წლის ბრენდ-პერსონა ცეკვის ჯადოქარი, ანსამბლ რუსთავის მთავარი ქორეოგრაფი, ლეგენდარული მოცეკვავე ფრიდონ სულაბერიძე გახდა.

“15 წლიანი წარმატების შემდეგ PSP დაზღვევამ ახალი ბრენდი — ვაიზერი წარადგინა. წლების განმავლობაში დაგროვილმა გამოცდილებამ, კომპანიას მისცა განვითარების შესაძლებლობა, ჩამოყალიბდა ახალი ხედვა, შეიქმნა ახალი სახელი და ახალი ენერგია — ვაიზერი. ჩვენი ახალი ბრენდი არის სიმბოლო იმ ხედვისა, რომელიც აერთიანებს ცოდნას, გამბედაობასა და თავისუფლებას.

"ჩვენ ვაზღვევთ ყველაფერს, მაგრამ შენ ყველაფერს ნუ დააზღვევ“, რადგან ვაიზერი შენი თამამი, ბრძენი თანამგზავრია. თავისუფლად მართე საკუთარი გადაწყვეტილებები, ცხოვრება, მომავალი, მოგზაურობა. ვაიზერი უახლოეს მომავალში საზოგადოებას ბევრ ორიგინალურ, ახალ სადაზღვევო პროდუქტს შესთავაზებს“. — განაცხადა სოფიო ლებანიძემ.