ოკუპირებული ცხინვალის რეჟიმის მიერ პატიმრობაში მყოფი ქართველი აქტივისტი თამარ მეარაყიშვილი "ტვ პირველთან" აცხადებს, რომ "თბილისში არაფერი გააჩნია", ახალგორში ბინა აქვს, მშობლები ჰყავს. მისი ყველა მოგონება იქაურობას უკავშირდება და სახლში უნდა დაბრუნება.

"ახალგორი ომის დროსაც არ დამიტოვებია. ჩვენთან ომი არ იყო, მაგრამ როცა მოსახლეობის დაახლოებით 90% ტოვებს და სულ სხვა რეალობაში რჩები, ამასთან შეგუება ცოტა რთული იყო. 2008-ში რუსულიც არ ვიცოდი. თან მარტო არ დავრჩენილვარ, ჩემი 11 წლის შვილიც დავტოვე და გავაგრძელეთ ცხოვრება. მე იქ ბინა მაქვს, მშობლები მყავს. ჩემი ყველა მოგონება იქაურობას უკავშირდება.

ისიც შემედავნენ, რომ მე იქ არ ვიყავი დაბადებული. საერთოდ რა საბუთებით ვიყავი, მაგას არკვევდნენ, საიდან მოვხვდი, როგორ მოვხვდი. ახლა რაც აქეთ მოვხვდი, მიკავშირდებიან ჩემი ნაცნობები, მეგობრები, რა გჭირდება, მირჩევენ, სად ვიცხოვრო. ორი დღე სხვაგან ვიყავი, ახლა სრულიად უცხო ადამიანებმა შემიფარეს, ჩემმა მეგობარმა სთხოვა. ერთი ოთახი გამომიყვეს. მესიკვდილებოდა, როგორ მივსულიყავი, 31 დეკემბერს იქნება არ უნდოდათ ახალ წელს ვიღაცა უცხო და თან ასეთ მდგომარეობაში, მაგრამ მე სხვა წასასვლელი არ მქონდა. თბილისში არაფერი გამაჩნია, არც არაფერი არ მინდა. მართლა არაფერი მინდა, მინდა დროებით — მე უკან უნდა დავბრუნდე", — განაცხადა თამარ მეარაყიშვილმა.

ის ოკუპირებული ცხინვალის რეჟიმმა 22 დეკემბერს ჯაშუშობის ბრალდებით დააკავა, 31 დეკემბერს გაათავისუფლეს და ქართულ მხარეს გადმოსცა