საქართველოს ბანკი, განათლების მთავარი მხარდამჭერი ბანკი.

საქართველოს ბანკი განათლების შესაძლებლობების შექმნას განაგრძობს. იმისთვის, რომ განათლებისა და შემეცნების პროცესი ყველასთვის ხელმისაწვდომი გახდეს, მხარს უჭერს და ახორციელებს 40-ზე მეტ პროექტს.

ამ მიმართულებით ერთ-ერთი გამორჩეული ინიციატივა მსოფლიოს სხვადასხვა ქალაქში შექმნილი წიგნის კუთხეებია, რომლებიც ქართველ მკითხველს შესაძლებლობას აძლევს, გაეცნოს მისთვის სასურველ ლიტერატურას ქართულ ენაზე.

საქართველოს ბანკის წიგნის კუთხეები გახსნილია დუბლინში (ირლანდია), ათენისა (საბერძნეთი) და ბარსელონას (ესპანეთი) საკვირაო სკოლებში.

ამასთან, "წიგნიერების გამავრცელებელ საზოგადოებასთან" თანამშრომლობით, ქართული წიგნის კუთხე გაიხსნა საბერძნეთში (სალონიკი) და ესპანეთში (მადრიდი).

საქართველოს ბანკის წიგნის კუთხეების პროექტი გრძელდება და სულ მალე მსოფლიოს მასშტაბით ახალ ლოკაციებზეც იქნება ხელმისაწვდომი.

ინფორმაციისთვის, საქართველოს ბანკი ახალგაზრდებისთვის განათლებისა და შემეცნების სივრცის შესაქმნელად, ინოვაციური ბიბლიოთეკების — იდეათეკების პროექტს ახორციელებს, რომელიც საქართველოს მასშტაბით, 11 რეგიონის 25 სკოლის 18 000-ზე მეტ მოსწავლეს აძლევს წვდომას განათლების მისაღებად საჭირო რესურსებზე.

თითოეული იდეათეკა აღჭურვილია 2000-ზე მეტი წიგნით — ზოგადი და სასკოლო საგანმანათლებლო რესურსით, კომპიუტერებით, პროექტორითა და STEM კუთხით, რომელთა გამოყენებით ახალგაზრდებს შეუძლიათ, გაეცნონ ზუსტი და საბუნებისმეტყველო მეცნიერების საფუძვლებს, ჩაატარონ მარტივი ექსპერიმენტები და გადადგან პირველი ნაბიჯები დიადი აღმოჩენებისკენ.

ეს საქართველოს ბანკის მიერ განხორციელებული საგანმანათლებლო პროექტების მხოლოდ ნაწილია. ინიციატივების შესახებ დეტალური ინფორმაცია ხელმისაწვდომია ვებგვერდზე.