პირველადი მონაცემებით, ადვოკატთა ასოციაციის ახალი თავმჯდომარე ირაკლი ყანდაშვილი გახდა.

ამ დროისთვის, არსებული მონაცემებით, ირაკლი ყანდაშვილმა 1473 ხმა მიიღო, ირაკლი ჩომახაშვილმა — 1366.

კენჭისყრაშა დღეს დილიდან მიმდინარეობდა და დღის განმავლობაში სულ 2855 ხმა დაფიქსირდა.

ცნობისთვის, 14 დეკემბერს ადვოკატთა ასოციაციის ახალი თავმჯდომარის არჩევნების პირველი ტური გაიმართა, რომელშიც 2700-ზე მეტმა ადვოკატმა მიიღო მონაწილეობა. კენჭისყრის შედეგად ახალი თავმჯდომარე ვერ აირჩიეს. ხმათა უმრავლესობა 2-მა ადვოკატმა, ირაკლი ყანდაშვილმა და ირაკლი ჩომახაშვილმა მოაგროვეს. მეორე ტურში გადასულმა ირაკლი ყანდაშვილმა 1283 ხმა მიიღო, ხოლო ირაკლი ჩომახაშვილმა — 1109.

2025 წლის არჩევნებში ასოციაციის თავმჯდომარეობის მსურველი 6 კანდიდატი იყო: ნიკოლოზ კვანტრიშვილი, გიორგი მარიამიძე, მუხრანი ღურწკაია, ირაკლი ყანდაშვილი, ირაკლი ჩომახაშვილი, მანუჩარ ჭუმბურიძე.