"ჩვენ ვიცავთ ჩვენს ჟურნალისტურ სამუშაოს და მადლობას ვუხდით მონაწილე მამაც კონტრიბუტორებს", — ასე ეხმაურება BBC ტელეკომპანია "ფორმულასთვის" გაგზავნილ კომენტარში ქართული ოცნების ბრალდებებს "ტყუილის" გავრცელების შესახებ. ბრიტანული მედია აცხადებს, რომ "იცავენ თავიანთ ჟურნალისტურ სამუშაოს და მადლობას უხდიან მონაწილე მამაც კონტრიბუტორებს".

"ჩვენი დოკუმენტური ფილმი, "როდესაც წყალი გწვავს: ბრძოლა საქართველოსთვის", რომელიც ჯილდოს მფლობელმა BBC EYE-ს გუნდმა მოამზადა, თბილისში შარშან, დემონსტრანტების წინააღმდეგ საქართველოს მთავრობის ქმედებების გამოძიებაა. ის მოიცავს არაერთი წყაროს მტკიცებულებას, როგორც ქვეყნის შიგნით, ასევე მის ფარგლებს გარეთ — მათ შორისაა თავად დემონსტრანტების, არაერთი ინფორმატორის, გაეროს ექსპერტების და საქართველოში მომუშავე ექსპერტების ჩვენებები, ასევე სამედიცინო კვლევები, წერილობითი საბუთები და ანგარიშები.

ეს რეპორტაჟი მტკიცედ ემსახურება საზოგადოების ინტერესს და შეგროვებული მტკიცებულებები აუდიტორიას ნათლად წარედგინა. ჩვენ ვიცავთ ჩვენს ჟურნალისტურ სამუშაოს და მადლობას ვუხდით მონაწილე მამაც კონტრიბუტორებს," — წერის BBC-ის "ქართულ ოცნების" საპასუხო წრილში, რომელიც "ფორმულას" გაუგზავნა.

შეგახსენებთ, პარტიამ ქართულმა ოცნებამ გავრცელა განცხადება იმის შესახებ, რომ "ცრუ ინფორმაციის გავრცელებისთვის" BBC-ს წინააღმდეგ სამართლებრივ დავას დაიწყებენ. ამის შემდეგ სუს-მა გაავრცელა ცნობა იმის შესახებ, რომ BBC-ის გამოძიებაში აღნიშნულ ფაქტებთან დაკავშირებით გამოძიებას იწყებენ.

ცნობისთვის, BBC-ის ჟურნალისტურ გამოძიებაში ნათქვამია, რომ ქართულმა ოცნებამ 2024 წლის აქციებზე დემონსტრანტების დასაშლელად I მსოფლიო ომის დროინდელი ტოქსიკური ნაერთი "კამიტე" გამოიყენა.