უახლესი მონაცემებით, ჰონგ-კონგში საცხოვრებელი ბინების კომპლექსში მომხდარი მასშტაბური ხანძრის შედეგად დაღუპულთა რაოდენობა 128-მდე გაიზარდა, 300-მდე ადამიანს კი ეძებენ. ადგილზე სამძებრო-სამაშველო სამუშაოები ამ დრომდე გრძელდება. ინფორმაციას abc NEWS ავრცელებს.

განახლებული მონაცემები ჰონგ-კონგის უშიშროების მდივანმა გამოაცხადა, თუმცა აღნიშნა, რომ შესაძლოა გარდაცვლილთა რიცხვი გაიზარდოს.

ჰონგ-კონგის პოლიციის განცხადებით, სამშენებლო კომპანიის სამი თანამშრომელი, რომლებიც ბინების კომპლექსში მიმდინარე რემონტს ხელმძღვანელობდნენ, დააკავეს და ხანძართან დაკავშირებით გამოძიება მიმდინარეობს.

პოლიციის ეჭვის თანახმად, რემონტისას გამოყენებული ბადე სტანდარტს არ შეესაბამებოდა და კომპანიამ ფანჯრებსა და გარე კედლებზე დიდი რაოდენობით სტიროქაფი დაამონტაჟა, რამაც ხანძრის გაჩენის შემდეგ გავრცელების პროცესი ააჩქარა.