ყოველდღიურობაში, ჩვენს შვილებს, ოჯახის წევრებსა თუ პატარა მეგობრებს უამრავი ტიპის სათამაშოს ვაცნობთ, თუმცა ხშირად ვერც კი ვაცნობიერებთ, რომ ამ ერთ შეხედვით უბრალო ნივთებში შეიძლება სერიოზული საფრთხე იმალებოდეს. მიუხედავად იმისა, რომ ბაზარზე არჩევანი ძალიან დიდია, მშობლების ნაწილი ჯერ კიდევ ვერ ასხვავებს, რომელი სათამაშოა ნამდვილად უსაფრთხო და რომელმა შეიძლება საფრთხე შეუქმნას ბავშვებს.

უხარისხო სათამაშოები შეიძლება გახდეს დახრჩობის, ქიმიური მოწამვლის და სხვა უამრავი ჯანმრთელობასთან დაკავშირებული პრობლემის მიზეზი. ამ რისკების თავიდან აცილება მხოლოდ მაშინაა შესაძლებელი, როცა პროდუქტი პასუხობს საერთაშორისო უსაფრთხოების სტანდარტებს — მაგალითად, CE ნიშანსა და EN 71-ს.

ბევრმა მშობელმა შესაძლოა არც კი იცოდეს, რას ნიშნავს ეს ნიშნები და რატომ არის მათი არსებობა აუცილებელი. სწორედ ამიტომ, არის მნიშვნელოვანი სათამაშოების უსაფრთხოებაზე ხალხის ცნობიერების ამაღლება.

გასულ წელს ევროკავშირისა და გერმანიის მთავრობის მხარდაჭერით, გერმანიის თანამშრომლობამ და ჩეხეთის განვითარების სააგენტომ დაიწყო პროექტი — QUIS: უკეთესი პროდუქტი, უკეთესი მომსახურება. პროექტის ფარგლებში მიმდინარეობს საინფორმაციო კამპანია, რომელიც მიზნად ისახავს მოსახლეობის ცნობიერების ამაღლებას სათამაშოების უსაფრთხოების შესახებ — თემაზე, რომელიც ბავშვთა ჯანმრთელობისა და კეთილდღეობის დაცვისთვის განსაკუთრებით მნიშვნელოვანია.

რას უნდა აკმაყოფილებდეს სათამაშო?

სათამაშოები ბავშვებისთვის აუცილებლად უნდა იყოს უსაფრთხო — არ უნდა შეიცავდეს დახრჩობის საფრთხეს, ტოქსიკურ ქიმიურ ნივთიერებებსა და ბასრ/პატარა დეტალებს, რომლებმაც შეიძლება სათამაშოს გადაყლაპვის რისკი გაზარდოს.

სათამაშოს არჩევისას სწორი გადაწყვეტილების მისაღებად ყურადღება მიაქციეთ შეფუთვაზე მითითებულ უსაფრთხოების ნიშნებს — განსაკუთრებით CE მარკირებას და EN 71 სტანდარტის აღნიშვნას, რომლებიც მიუთითებენ, რომ პროდუქტი ევროპული უსაფრთხოების მოთხოვნებს აკმაყოფილებს.

CE სიმბოლო მიუთითებს, რომ სათამაშოს გავლილი აქვს ტესტირება, შეესაბამება ევროკავშირის უსაფრთხოების, ჯანმრთელობისა და გარემოს სტანდარტებს და შეიძლება გაიყიდოს ევროკავშირში.

მნიშვნელოვანია, რომ ყურადღებით დააკვირდეთ სიმბოლოს და შეძლოთ ავთენტურისა და ყალბი ნიშნის გარჩევა (CE მარკირება და Chinese export).

EN 71 არის სათამაშოების ევროპული უსაფრთხოების სტანდარტი, რომელიც განსაზღვრავს —მცირე ნაწილებით გამოწვეულ დახრჩობისა და აალებადობის რისკს. ამასთანავე, მავნე ქიმიური ნივთიერებებისა და მძიმე მეტალების შემცველობას, მექანიკურ და ფიზიკურ უსაფრთხოებას.

ვინ არის სათამაშოების უსაფრთხოებაზე პასუხისმგებელი საქართველოში?

საქართველოში იმპორტირებული სათამაშოების უსაფრთხოებაზე კონტროლს ახორციელებს ბაზრის ზედამხედველობის სააგენტო. მისი მთავარი ამოცანაა უზრუნველყოს ქვეყანაში შემოსული საბავშვო სათამაშოები უსაფრთხოება.

სააგენტო ამოწმებს, აკმაყოფილებენ თუ არა პროდუქციები "სათამაშოების უსაფრთხოების შესახებ ტექნიკურ რეგლამენტს"; საჭიროების შემთხვევაში ატარებს ლაბორატორიულ ტესტირებას, ხოლო არასათანადო ან საფრთხის შემცვლელი ნივთების აღმოჩენის შემთხვევაში, აჩერებენ სათამაშოს გაყიდვას. ამასთანავე, სააგენტო აჯარიმებს დამრღვევ კომპანიებს და საინფორმაციო მხარდაჭერით უზრუნველყოფს მოსახლეობას.

ხოლო იმ მომხმარებელს, რომელსაც ეჭვი აქვს სათამაშოს ხარისხზე, შუძლია ბაზრის ზედამხედველობის სააგენტოს დაუკავშირდეს და მიაწოდოს ინფორმაცია კონკრეტული სათამაშოს შესახებ.

უახლესი ევროპული კვლევები Temu-სა და Shein-დან ნაყიდი პროდუქტების შესახებ

ევროკავშირი განსაკუთრებულად ზრუნავს მომხმარებელთა უსაფრთხოებასა და საკვებისა თუ არასასურსათო პროდუქტების ხარისხზე. სწორედ ამიტომ, ევროკავშირი სისტემატურად ატარებს კვლევებსა და მონიტორინგს, რათა ბაზარზე არსებული პროდუქცია უსაფრთხო, სანდო და მაღალი სტანდარტების შესაბამისი იყოს.

ერთ-ერთი ახალი კვლევის თანახმად, რომელიც Stiftung Warentest-მა, გერმანულმა მომხმარებელთა დაცვის ასოციაციამ, Temu-სა და Shein-ის ჩინური ონლაინ პლატფორმებიდან შეძენილი სამკაულები, საბავშვო სათამაშოები და USB დამტენები გადაამოწმა. შეძენილი 162 პროდუქტის შემოწმებამ აჩვენა, რომ მათი უმეტესობა იაფფასიანი და უხარისხოა, ამავდროულად რეგულაციებთან შეუსაბამოა და რამდენიმე მათგანი ჯანმრთელობისა და უსაფრთხოების სერიოზულ საფრთხეს წარმოადგენდა.

პროდუქტების ორ მესამედზე მეტმა ვერ დააკმაყოფილა ევროკავშირის უსაფრთხოების სტანდარტები, დაახლოებით, მეოთხედი კი საფრთხის შემცვლელად მიჩნიეს. სერიოზული დარღვევები გამოვლინდა საბავშვო სათამაშოებში.

კვლევამ აჩვენა, რომ Temu-სა და Shein-ზე შეძენილ სათამაშოზე დაკრული CE ნიშანი უსაფრთხოებას არ უზრუნველყოფდა, რადგან ეტიკეტირება იყო დარღვეული, ხოლო საფრთხისშემცველ სათამაშოებზე არ იყო შესაბამისი ნიშანი მითითებული.

პროდუქტების ორ მესამედზე მეტმა ვერ დააკმაყოფილა ევროკავშირის უსაფრთხოების სტანდარტები, დაახლოებით, მეოთხედი კი საფრთხის შემცვლელად მიჩნიეს. სერიოზული დარღვევები გამოვლინდა საბავშვო სათამაშოებში.

კვლევამ აჩვენა, რომ Temu-სა და Shein-ზე შეძენილ სათამაშოზე დაკრული CE ნიშანი უსაფრთხოებას არ უზრუნველყოფდა, რადგან ეტიკეტირება იყო დარღვეული, ხოლო საფრთხისშემცველ სათამაშოებზე არ იყო შესაბამისი ნიშანი მითითებული.

სათამაშოების უსაფრთხოება უმთავრესია ბავშვების ჯანმრთელობისა და კეთილდღეობისთვის. მნიშვნელოვანია ვიცოდეთ, როგორ ავარჩიოთ უსაფრთხო სათამაშო, რა სტანდარტები არსებობს და სად უნდა გადავამოწმოთ ინფორმაცია. CE და EN 71 ნიშნების შემოწმება, ხარისხის სტანდარტების დაცვა და პასუხისმგებელი იმპორტიორების არჩევა მნიშვნელოვნად ამცირებს ნებისმიერი სახის რისკს.

ეს სტატია შექმნილია ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს ფინანსური მხარდაჭერით, პროექტ QUIS- ის ფარგლებში და შესაძლოა, რომ იგი არ გამოხატავდეს ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს შეხედულებებს.