"მე სამსახურში ვრჩები. მადლობა თქვენი ემოციისა და ინტერესისთვის. როგორც ხედავთ, სამსახურში მოვედი, ვაგრძელებ სამსახურს. სანამ ეს უწყება იარსებებს, მისი ხელმძღვანელი მე ვიქნები", — ამის შესახებ ანტიკორუფციულ ბიუროსთან მისულ ჟურნალისტებს ანტიკორუფციული ბიუროს ხელმძღვანელმა, რაჟდენ კუპრაშვილმა უთხრა.

ცნობისათვის, გუშინ ტელეკომპანია "ფორმულამ" გაავრცელა ინფორმაცია იმის შესახებ, რომ ანტიკორუფციული ბიუროს ხელმძღვანელი, რაჟდენ კუპრაშვილი თანამდებობიდან გაათავისუფლეს. მათი ცნობით, აღნიშნული ინფორმაცია თანამშრომლებს თათბირზე თავად კუპრაშვილმა მიაწოდა.

მოგვიანებით ანტიკორუფციულმა ბიურომ უარყო "ფორმულას" მიერ გავრცელებულ ინფორმაციას რაჟდენ კუპრაშვილის გათავისუფლებასთან დაკავშირებით.

"კომერსანტის" ინფორმაციით, ანტიკორუფციული ბიუროს გაუქმება იგეგმება. მათი წყაროს ცნობით, მზადდება საკანონმდებლო ინიციატივა, რომლის მიხედვითაც ანტიკორუფციული ბიუროს ფუნქციებს სუს-ი და აუდიტის სამსახური გადაინაწილებენ.