სულ ცოტა ხნის წინ შედგა პრემიერა სიმღერისა, რომლითაც საქართველო 2025 წლის საბავშვო ევროვიზიაზე წარდგება. კომპოზიციას, რომელსაც ანიტა აბგარიანი 13 დეკემბერს თბილისის ახალი სპორტის სასახლეში შეასრულებს, Shine Like a Star ("ვარსკვლავივით ანათე") ჰქვია და მისი ავტორი გიგა კუხიანიძეა. სწორედ კუხიანიძის დაწერილია ოთხივე სიმღერა, რომლითაც საქართველომ სხვადასხვა წელს კონკურსზე გაიმარჯვა.

10 წლის ანიტა აბგარიანმა საბავშვო ევროვიზიაზე რეკორდსმენი მასპინძელი ქვეყნის წარმომადგენლის სტატუსი პირველი არხის პროექტ რანინაში გამარჯვებით მოიპოვა.

"ამ გამარჯვებით მივდივარ ევროვიზიაზე და მაქვს საპასუხისმგებლო მისია", — თქვა მაშინ ანიტამ, — "მე ჩემს მაქსიმუმს დავდებ, რომ კარგად წარვადგინო ევროვიზიაზე თავი".

ფოტო: რანინა / პირველი არხი

რიგით 23-ე საბავშვო ევროვიზიის სიმღერის კონკურსი, როგორც ვთქვით, 13 დეკემბერს, თბილისის ახალი სპორტის სასახლის მცირე დარბაზში გაიმართება. წლევანდელ ფესტივალზე 18 ქვეყანა მიიღებს მონაწილეობას. ქართველი კონკურსანტი მაყურებლის წინაშე მე-15 ნომრად წარდგება.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...