ტელეკომპანია რუსთავი 2 თვითმმართველობის არჩევნებამდე ორი კვირით ადრე მერობის კანდიდატებზე ჩატარებული კვლევის შედეგებს ასაჯაროებს. ამ კვლევის მიხედვით, კითხვაზე - ხვალ რომ არჩევნები იყოს ვის მისცემდით ხმას - პასუხები ასე გადანაწილდა:

  • კახა კალაძე (ქართული ოცნება) - 34 პროცენტი;
  • ზაალ უდუმაშვილი (ნაციონალური მოძრაობა) - 14 პროცენტი;
  • ალეკო ელისაშვილი (დამოუკიდებელი კანდიდატი) - 14 პროცენტი;
  • ელენე ხოშტარია (ევროპული საქართველო) - 5 პროცენტი;
  • ირმა ინაშვილი (პატრიოტთა ალიანსი) - 2 პროცენტი;
  • გიორგი გუგავა (ლეიბორისტული პარტია) - 2 პროცენტი;
  • კახა კუკავა (დემოკრატიული მოძრაობა - თავისუფალი საქართველო) - 1 პროცენტი;
  • გიორგი ვაშაძე (ახალი ერთობა საქართველო) - 1 პროცენტი;
  • თენგიზ შერგელაშვილი (შენების მოძრაობა) - თითქმის 1 პროცენტი;
  • არ გადამიწყვეტია - 13 პროცენტი;
  • უარი პასუხზე - 7 პროცენტი;
  • არავის - 6 პროცენტი.

ტელეკომპანია რუსთავი 2-მა კვლევა Edison Research-ს დაუკვეთა. კვლევა 22 სექტემბრიდან 2 ოქტომბრის ჩათვლით თბილისში ჩატარდა და შემთხვევითი შერჩევის მეთოდით, ხმის მიცემის უფლების მქონე 1200 ადამიანი გამოიკითხა. კვლევის ცდომილება 3 პროცენტია.