იტალიის ჩრდილოეთში, სამხრეთ ტიროლში, ორტლესის მთის მასივზე ზვავში ხუთი გერმანელი მთამსვლელი დაიღუპა. თავდაპირველად ცნობილი იყო სამი დაღუპულის შესახებ, ხოლო ორი გერმანიის მოქალაქე დაკარგულად ითვლებოდა ამის შესახებ ინფორმაციას Deutsche Welle ავრცელებს.

ზვავი ვერტაინშპიცის 3,345-მეტრიან მწვერვალთან ახლოს ჩამოწვა, სადაც ორი ჯგუფი ერთდროულად ცდილობდა ასვლას.

სამხრეთ ტიროლი გერმანელი ტურისტებისთვის ალპინიზმის ერთ-ერთი ყველაზე პოპულარული მიმართულებაა. რეგიონის უმაღლესი მწვერვალია ორტლესი, რომლის სიმაღლე 3,905 მეტრია.