"რუსული კომპანიების "როსნეფტისა" და "ლუკოილის" წინააღმდეგ აშშ-ის ფინანსთა სამინისტროს ახალი სანქციები რუსეთს პრობლემებს არ შეუქმნის", — ამის შესახებ რუსეთის საგარეო საქმეთა სამინისტროს პრესსპიკერმა მარია ზახაროვამ ბრიფინგზე განაცხადა.

მისი თქმით, მოსკოვი ასეთ გადაწყვეტილებას კონტრპროდუქტიულად მიიჩნევს, მათ შორის უკრაინაში კონფლიქტის მოლაპარაკებების გზით მოგვარებას.

"თუმცა, [აშშ] ფინანსთა სამინისტროს ზემოაღნიშნული გადაწყვეტილება ჩვენთვის რაიმე განსაკუთრებულ პრობლემას არ შექმნის", — განაცხადა დიპლომატმა და აღნიშნა, რომ რუსეთმა შეზღუდვების მიმართ იმუნიტეტი გამოიმუშავა.

22 ოქტომბერს აშშ-ის ფინანსთა სამინისტრომ ნავთობკომპანიები "როსნეფტი" და "ლუკოილი", ასევე მათი 34 შვილობილი კომპანია, აშშ-ის სანქციების ახალ პაკეტში შეიყვანა. მანამდე, 18 ოქტომბერს "როსნეფტი" და "ლუკოილი" დიდმა ბრიტანეთმაც დაასანქცირა.