ოცნების პრემიერი, ირაკლი კობახიძე აცხადებს, რომ ქვეყანაში "პროტესტი არ არსებობს". მისივე თქმით, ყოველდღიურად 50 ადამიანი კეტავდა ქუჩას, აქედან 20-25 ადამიანს აკავებს პოლიცია, რისთვისაც ის მადლობას უხდის შსს-ს.

"თქვენ ნახეთ, რომ გუშინ პირველად ვერ მოახერხეს რადიკალებმა რუსთაველის გამზირის გადაკეტვა. ეს იყო ახალი კანონის მიზანი. თქვენ ხედავთ, რომ კანონი მუშაობს უკვე ეფექტურად. მაგრამ ყურადღების მოდუნება არ შეიძლება. ჩვენ ვერ მივცემთ 50 მოძალადეს იმის საშუალებას, რომ იძალადოს 3 7000 000 ადამიანზე. ეს იყოს კანონმდებლობის მიზანი და კანონმდებლობის აღსრულება არის მნიშვნელოვანი. ყოველდღიურად 50 ადამიანი კეტავდა. შესაბამისად ლოგიკურია, რომ ყველას დაკავებაც არ ხდება. აქედან 20-25 ადამიანს აკავებს პოლიცია. რაც ეფექტურად მუშაობს. მადლობა მინდა გადავუხადო შსს-ს. პროტესტი არ არსებობს, როდესაც რუსთაველის გამზირზე სრული მობილიზაციის პირობებში ვერ გამოჰყავთ 300 კაციც კი. ეს ნიშნავს, რომ პროტესტი არ არის, ეს ნიშნავს, რომ არის უცხოეთიდან დაფინანსებული რადიკალური აქცია, 300 ქართველი ხალხი არის გამოსული და ეს, რა თქმა უნდა, პროტესტი არ არის", — თქვა ირაკლი კობახიძემ.