მოლდოვის პრემიერმინისტრობის კანდიდატმა, ალექსანდრუ მუნტეანუმ, რომელიც პროევროპულმა პრეზიდენტმა მაია სანდუმ წარადგინა, ქართული ოცნების დამფუძნებელ მილიარდერ ბიძინა ივანიშვილთან შესაძლო კავშირებზე ცნობები უარყო.

მას შემდეგ, რაც სანდუს პარტიამ — (PAS) — სამშაბათს პრესმიერის პოსტზე მუნტეანუს კანდიდატურა დაასახელა. ჟურნალისტებმა აღნიშნეს, რომ მისი სახელი "პანამის დოკუმენტების" გაჟონილ მასალებში ფიგურირებდა, სადაც ის თითქოს ივანიშვილთან ერთად იყო ნახსენები.

პროევროპულმა პარტიამ, მოქმედება და სოლიდარობამ სექტემბრის ბოლოს გამართულ საპარლამენტო არჩევნებში გადამწყვეტი გამარჯვება მოიპოვა და ახალი მთავრობის ფორმირებაზე მუშაობს.

მას შემდეგ, რაც ორშაბათს გამოცხადდა, რომ მოქმედი პრემიერი დორინ რეაჩანი ახალ ვადაზე აღარ იყრის კენჭს, პარტიის თავმჯდომარემ იგორ გროსუმ განაცხადა, რომ პრემიერის პოსტზე პარტია დაასახელებდა მუნტეანუს — აშშ-ში განათლებამიღებულ ეკონომისტს, რომელსაც უცხოეთში მრავალი წლიანი სამუშაო გამოცდილება აქვს.

მალევე მოლდოველმა ჟურნალისტმა პაულა ერიზანუმ აღნიშნა, რომ მუნტიანუ თითქოს "საქმიან ურთიერთობაში" იყო ივანიშვილთან. მან მიუთითა რამდენიმე შემთხვევაზე, სადაც ორივე მათგანი ფიგურირებს "პანამის დოკუმენტებში".

სამშაბათს მუნტეანუმ ფეისბუქზე ბრალდებებს უპასუხა და განაცხადა, რომ "ყველა კითხვას გასცემს პასუხს, მათ შორის იმ საკითხზეც, რომ მე არასდროს ვიცნობდი, არ მქონია არანაირი კონტაქტი ან თანამშრომლობა აღნიშნულ პოლიტიკოსთან", — თქვა მან და ივანიშვილი იგულისხმა.

მისივე თქმით, კომპანიის ფიგურირება პანამის ან პანდორას დოკუმენტებში უბრალოდ იმას ნიშნავს, რომ ის დარეგისტრირებულია სპეციალური საგადასახადო რეჟიმის მქონე იურისდიქციაში, რაც "საერთაშორისო ინვესტიციების დროს კანონიერ პრაქტიკად მიიჩნევა.

მუნტეანუმ ასევე აღნიშნა, რომ ის დიდად არ ჩნდებოდა საჯარო სივრცეში და "საზოგადოების წინაშე მაქსიმალური გამჭვირვალობისა და ინფორმაციის მიწოდების საჭიროებას კარგად აცნობიერებს".

მოლდოვის სხვა პოლიტიკოსების ნაწილმა მხარი დაუჭირა მუნტეანუს არგუმენტებს და განაცხადა, რომ ამ ბრალდებების ირგვლივ ატეხილი სკანდალი, ძირითადად, მისი ცნობადობის ნაკლებობის გამო წარმოიშვა.

შეერთებულ შტატებში უკრაინის ელჩმა ოქსანა მარკაროვამ მას მხარდაჭერა გამოუცხადა და აღნიშნა, რომ მუნტეანუ იქნებოდა "საუკეთესო კანდიდატი მოლდოვის მთავრობის სათავეში დასაყენებლად".

ამ დროისთვის, მუნტეანუსა და ივანიშვილის სავარაუდო კავშირების შესახებ ცნობები საქართველოში ფართოდ არ გაშუქებულა.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.