სახელმწიფო უსაფრთხოების სამსახურმა ტელეკომპანია "იმედის" მომართვის საფუძველზე გამოძიება საბოტაჟის მუხლით დაიწყო. ამის შესახებ ინფორმაციას სუს-ი ავრცელებს. უწყების განცხადებაში აღნიშნულია, რომ ტელეკომპანია "იმედი" ეთერში დაახლოებით 45 წუთის განმავლობაში ვერ გადიოდა. მაუწყებლობა შეწყდა ჰოლდინგის კიდევ ორ კომპანიაში "მაესტროსა" და "ჯიდიესში".

"ტელეკომპანია "იმედის" მომართვის საფუძველზე, სახელმწიფო უსაფრთხოების სამსახურმა გამოძიება საბოტაჟის მუხლით დაიწყო. არხის მაუწყებლობა 17 საათსა და 48 წუთზე გაითიშა და დაახლოებით 45 წუთის განმავლობაში არხი ეთერში ვერ გავიდა. "ტელეიმედთან" ერთად მაუწყებლობა შეწყდა ჰოლდინგში შემავალი კიდევ ორი კომპანიის — "მაესტროსა" და "ჯიდიესის" შემთხვევაშიც. მიმდინარეობს შესაბამისი საგამოძიებო მოქმედებები", — წერია სუს-ის განცხადებაში.