გოტა ჭანტურია: "არავის სჭირდება ირაკლი კობახიძის თანაგრძნობა. როცა მისი გასამართლების დრო მოვა — მე ნამდვილად მექნება მისადმი თანაგრძნობა"

7 Oct. 2025, 12:39

გოტა ჭანტურია: "4 ოქტომბერზე ახლა საუბარს არ დავიწყებ. ჩემი სათქმელი იქამდეც ბევრჯერ ვთქვი და კიდევ ბევრჯერ ვიტყვი. სამწუხაროა, კიდევ უფრო ხმამაღლა და კიდევ უფრო ხისტად რომ არ ვამბობდი. სამწუხაროა, რომ ჩანასახშივე ვერ გავანეიტრალეთ, ჯერ კიდევ კარიკატურულად რომ მოჩანდა ეს სიგიჟე. თუმცა, შესაძლოა არც იყო შესაძლებელი.

შეცდომების და უპასუხისმგებლობის არც დრო გვაქვს, არც რესურსი. უპასუხისმგებლო, უპერსპექტივო, უსინდისო პოლიტიკოსების, პარტიების, ანგაჟირებული და ეგზალტირებული "აქტივისტებისა" თუ "სელებრითების," "კრიტიკული მედიების" სიყვითლის, სხვების ბედით მოთამაშეების დრო უნდა დასრულდეს! თუ არადა, მათთან

ერთად და მათზე ადრე გადაგვჩეხავენ ყველას!
მეორე მხრივ, არც მხოლოდ კრიტიკის დროა! ინიციატივის და კიდევ უფრო მეტი პასუხისმგებლობის აღების დროც არის ახლა! ვისაც შეგვწევს ძალა და უნარი, მეტი პასუხისმგებლობა უნდა ავიღოთ და ჯანსაღად, რაციონალურად, ერთმანეთზე ზრუნვითა და პასუხისმგებლობით წარვმართოთ პროცესები.
იმედი მაქვს, საზოგადოება გადააფასებს და დაინახავს, სად არის პასუხისმგებლობა და შედეგები და სად — უპასუხისმგებლობა და ზიანი.

ახლა მთავარია რაციონალურად და გონივრულად ვიმოქმედოთ. და ვიყოთ ერთად, მინიმუმ ის ხალხი, ვისაც გვინდა რომ ვიყოთ ერთად!

ვერ მიიღებენ ჩვენგან ისტერიკას.
ვერც გაგვაჩერებენ.
ვერც დაგვამარცხებენ!

და ბოლოს, არავის სჭირდება ირაკლი კობახიძის და ქართული ოცნების თანაგრძნობა.

როცა მისი გასამართლების დრო მოვა და ეს დრო აუცილებლად დადგება, შესაძლოა ისეთი გასაცოდავებული იყოს, რომ მე ნამდვილად მექნება მისადმი თანაგრძნობა! არათუ მექნება, მე ახლაც თანავუგრძნობ მას, რომ მარიონეტად უწევს ცხოვრება, არის დაკომპლექსებული და როგორი ხანგრძლივიც არ უნდა იყოს მისი რეჟიმი, სინამდვილეში — მაინც მარცხისთვის არის განწირული!".

ბოლო ამბები: