მოლდოვას საგარეო საქმეთა სამინისტრო საქართველოში 4 ოქტომბერს განვითარებულ მოვლენებს სოციალურ ქსელში ეხმაურება. უწყება სოლიდარობას უცხადებს ქართველ ხალხს და მოუწოდებს თავშეკავებისა და დიალოგისკენ, ასევე დემოკრატიული პრინციპების პატივისცემისკენ.

"თბილისში ბოლო პერიოდში მომხდარი ძალადობის ფონზე, ჩვენ სოლიდარობას ვუცხადებთ ქართველ ხალხს. მოვუწოდებთ თავშეკავებისა და დიალოგისკენ, ასევე დემოკრატიული პრინციპების პატივისცემისკენ. დემოკრატია ძალადობით ვერ დამყარდება — ძალადობა არღვევს იმ ევროპულ ღირებულებებს, რომელთა დაცვისკენაც საქართველო ისწრაფვის", — წერია უწყების განცხადებაში.