ვარშავაში მიმდინარე უსაფრთხოების კონფერენციის ფარგლებში, პოლონეთში ვიზიტად მყოფი პრეზიდენტი სალომე ზურაბიშვილი გაერთიანებული სამეფოს პარლამენტის წევრს, ჩრდილოვან საგარეო საქმეთა მდივანს, პრიტი პატელს შეხვდა.

შეხვედრისას განიხილეს საქართველოში არსებული პოლიტიკური კრიზისი და ევროპული ინტეგრაციის გზაზე ქვეყნის მხარდაჭერის აუცილებლობა.

როგორც გაერთიანებული სამეფოს პარლამენტის წევრმა განაცხადა, ბრიტანეთმა ქართველი ხალხის მიმართ აბსოლუტური მორალური მხარდაჭერა უნდა უზრუნველყოს, საჭიროა დაისაჯონ ის პირები, რომლებიც პასუხისმგებელნი არიან ჩაგვრასა და რეპრესიებზე, მათ შორის, სახელობითად დასახელებითა და პერსონალური სანქციების გამოყენებით.

პრიტი პატელი სალომე ზურაბიშვილთან შეხვედრას X-ზე ეხმაურება და წერს, რომ "უნდა უბიძგონ მოკავშირეებს პასუხისმგებლობა დააკისრონ აუტანელ რეპრესიებში დამნაშავეებს, მათ შორის, ცალკეული პირების გამოვლენისა და სანქციების დაწესების გზით".

"პატივია შევხვდე საქართველოს მეხუთე პრეზიდენტს, სალომე ზურაბიშვილს

საქართველოში კრიზისის მასშტაბები არ შეიძლება სათანადოდ არ შეფასდეს. ბრიტანეთმა აბსოლუტური მორალური მხარდაჭერა უნდა გაუწიოს ქართველ ხალხს.

ჩვენ ასევე უნდა ვუბიძგოთ ჩვენს მოკავშირეებს პასუხისმგებლობა დააკისრონ აუტანელ რეპრესიებში დამნაშავეებს, მათ შორის, ცალკეული პირების გამოვლენისა და სანქციების დაწესების გზით", — წერს პატელი.