თუშეთში ავარიას ორი ახალგაზრდა კაცი ემსხვერპლა. არსებული ცნობით, სოფელ დართლოსკენ მიმავალ გზაზე ავტომობილი რამდენიმე მეტრის სიმაღლიდან გადავარდა.

მანქანაში სხვა მგზავრები არ იმყოფებოდნენ. შემთხვევა, სავარაუდოდ, ღამით მოხდა.

NEWS.On.ge-ს შინაგან საქმეთა სამინისტროში განუცხადეს, რომ ფაქტზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.