რუსეთის დუმამ დაამტკიცა კანონპროექტი, რომლის მიხედვითაც მოქალაქეების სამხედრო სამსახურში გაწვევა მთელი წლის განმავლობაში მოხდება — ამის შესახებ Meduza გვატყობინებს.

ინიციატივა მიზნად ისახავს "სამხედრო კომისარიატებზე არსებული დატვირთვის შემცირებას, რომლებიც ჩვეულებრივ და გამართულად იმუშავებენ მთელი წლის განმავლობაში და არა მხოლოდ სამი თვის განმავლობაში, როგორც აქამდე" — განაცხადა კანონპროექტის ავტორმა და სახელმწიფო დუმის თავდაცვის კომიტეტის თავმჯდომარემ, ანდრეი კარტაპოლოვმა.

დოკუმენტის თანახმად, ამ პერიოდში სამხედრო კომისარიატებს შეეძლებათ წვევამდელების სამედიცინო შემოწმება, ფსიქოლოგიური შეფასებების ჩატარება და გაწვევის კომისიების სხდომების ორგანიზება.

მოსამსახურეობაზე წვევამდელების გაწვევა, როგორც აქამდე, წელიწადში ორჯერ მოხდება — 1-ლი აპრილიდან 15 ივლისამდე და 1-ლი ოქტომბრიდან 31 დეკემბრამდე.