რუსეთის საგარეო დაზვერვის პრესსამსახურის (SVR) ცნობით, რომელსაც რუსული სამთავრობო მედია TASS ავრცელებს, ევროკავშირს მტკიცედ აქვს გადაწყვეტილი მოლდოვას ოკუპაცია და დნესტრისპირეთის დასაშინებლად უკრაინის ოდესის რეგიონში NATO-ს ჯარების განლაგებისთვის ემზადება.

SVR-ის არსებული ინფორმაციით, ბრიუსელი მოლდოვას შენარჩუნებას თავისი "რუსოფობიური პოლიტიკის" ფარგლებში გეგმავს.

"ამის გაკეთება ნებისმიერ ფასად იგეგმება, მათ შორის ჯარების განლაგებით და ქვეყნის ფაქტობრივი ოკუპაციით. ამ ეტაპზე, ნატოს შეიარაღებული ძალების დანაყოფები რუმინეთში, მოლდოვასთან საზღვართან არიან კონცენტრირებულნი", — აღნიშნავს SVR-მა.

SVR-ის ცნობით, მოლდოვაში NATO-ს "დესანტის" ჩასვლის სცენარი შესაძლოა ქვეყნის მომავალი საპარლამენტო არჩევნების შემდეგ განხორციელდეს. ამის შესახებ ინფორმაციას რუსული მედია ავრცელებს.

"ეს სცენარი არაერთხელ განხორციელდა რუმინეთში NATO-ს წვრთნების დროს და შესაძლოა განხორციელდეს მოლდოვაში მიმდინარე წლის 28 სექტემბერს დაგეგმილი საპარლამენტო არჩევნების შემდეგ", — ნათქვამია განცხადებაში.

რუსეთის საგარეო დაზვერვის თქმით, ბრიუსელსა და კიშინიოვში მომზადებული არჩევნების შედეგების გაყალბება მოლდოველებს ქუჩაში გასვლას აიძულებს, ხოლო ევროპული სახელმწიფოების შეიარაღებულ ძალებს მოუწევთ აიძულონ მოლდოველები "მიიღონ დიქტატურა ევროპული დემოკრატიის საფარქვეშ."

"ევროპელი ოფიციალური პირები შიშობენ, რომ ბრიუსელისა და კიშინიოვის მიერ მომზადებული არჩევნების შედეგების უხეში გაყალბება სასოწარკვეთილ მოლდოველ მოქალაქეებს აიძულებს, ქუჩაში გავიდნენ თავიანთი უფლებების დასაცავად. შემდეგ, პრეზიდენტ მაია სანდუს მოთხოვნით, ევროპული სახელმწიფოების შეიარაღებულ ძალებს მოუწევთ მოლდოველების იძულება, მიიღონ დიქტატურა ევროპული დემოკრატიის საფარქვეშ", — განმარტა SVR-მა.