პარტია გახარია — საქართველოსთვის პოლიტიკურ ბოიკოტში რჩება. ამის შესახებ ინფორმაციას პარტიის პრესსამსახური ავრცელებს. განცხადებაში ხაზგასმულია, რომ მათი დამოკიდებულება მანდატებთან დაკავშირებით უცვლელია.

როგორც განცხადებაშია აღნიშნული, პარლამენტისთვის მიმართვა პროცედურული საკითხია, რომელიც 6 თვის წინაც გაიარეს.

"ჩვენ ვრჩებით პოლიტიკურ ბოიკოტში! მანდატებთან დაკავშირებით, რომელიც უკვე ბევრჯერ გავლილი თემაა, ვითარება არ შეცვლილა!

ეს არის პროცედურული საკითხი, რომელიც 6 თვის წინაც გავიარეთ (მაგ. დეკლარაციის შევსებისას).

ჩვენ ვრჩებით პოლიტიკურ ბოიკოტში!", — ნათქვამია განცხადებაში, რომელსაც პარტიის პრესსამსახური ავრცელებს.

ცნობისთვის, მანამდე იმედმა გაავრცელა ინფორმაცია, რომ, პარტიამ გახარია — საქართველოსთვის ბოიკოტი შეწყვიტა და პარლამენტში შედის.

მათივე ინფორმაციით, გახარიას პარტიის მანდატშეჩერებული დეპუტატების რვა ადგილმონაცვლე პარლამენტის თავმჯდომარეს წერილით მიმართავს, სადაც ისინი აღნიშნავენ, რომ მათ შეწყვიტეს პარლამენტის წევრის სტატუსთან შეუთავსებელი საქმიანობა.