ასპინძა-ახალქალაქის გზაზე ავტოსაგზაო შემთხვევა მოხდა. NEWS.On.ge-ს ინფორმაციით, ავტომობილი გზის სავალი ნაწილიდან გადავარდა.

შემთხვევის შედეგად ერთი ადამიანი დაიღუპა, ერთი კი მძიმედ დაშავდა.

როგორც შინაგან საქმეთა სამინისტროში გვითხრეს, მომხდარზე გამოძიება სსკ 276-ე მუხლის მეექვსე ნაწილით დაიწყო, რაც სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია. აღნიშნული ისჯება თავისუფლების აღკვეთით ვადით ოთხიდან შვიდ წლამდე.