რუსეთის ნავთობგადამამუშავებელ ქარხნებზე უკრაინული დრონების იერიშების გამო, რომლებიც აგვისტოში განახლდა, შესაძლოა ქვეყანაში ნავთობგადამამუშავებელი ინდუსტრიას შეუქცევადი ზარალი მიადგეს. ამის შესახებ ინფორმაციას The Moscow Times ავრცელებს.

თვის დასაწყისიდან დრონების თავდასხმებმა სრულად შეაჩერა სიზრანის, ნოვოკუიბიშევსკის, სარატოვის და ვოლგოგრადის ნავთობგადამამუშავებელი ქარხნები. "როსნეფტის" ქარხანამ, რომელიც საწვავით ამარაგებს მოსკოვსა და რეგიონს, ნახევარი სიმძლავრით მუშაობა შეწყვიტა. დრონებმა ასევე დააზიანეს სლავიანსკის, აფიფსკისა და ნოვოშახტინსკის საწარმოები.

ეს ქარხნები შესაძლოა დიდი ხნით ან "სამუდამოდ" გამოუყენებელი დარჩეს, განუცხადა "Carnegie Endowment for International Peace"-ის უფროსმა მკვლევარმა სერგეი ვაკულენკომ Financial Times-ს.

გასულ წელს უკრაინული დრონების იერიშების შედეგად რუსეთში ნავთობის გადამუშავება 12-წლიან მინიმუმამდე — 267 მილიონ ტონამდე დაეცა. თუმცა მაშინ თავდასხმები ხშირი, მაგრამ მიმოფანტული იყო და ძირითადად ერთ საწარმოს აზიანებდა, აღნიშნავს ვაკულენკო. ახლა კი, მისი თქმით, კამპანია მიმართულია ერთდროულად ყველა ქარხნისკენ, რომლებიც მთავარ სამომხმარებლო და გადამამუშავებელ რეგიონებშია, და ამან შეიძლება საწვავის ბაზრისთვის "უპრეცედენტო" შედეგები გამოიწვიოს.

დრონების იერიშები შეეხო ქვეყნის უმსხვილეს საწარმოებს შორის მყოფ ქარხნებს: ვოლგოგრადს ("ლუკოილი" — წელიწადში 14,8 მილიონი ტონა) და რიაზანს ("როსნეფტი"— 13,8 მილიონი ტონა წელიწადში). დეფიციტის შესავსებად მთავრობამ რუსეთიდან ბენზინის ექსპორტზე სრული აკრძალვა შემოიღო.