ჩრდილოეთ კორეის ლიდერმა, კიმ ჩენ ინმა ჩრდილოეთ კორეელი სამხედროები, რომლებიც უკრაინის წინააღმდეგ ომში რუსეთის მხარეს იბრძვიან შეაქო და მათ საქციელს "გმირული" უწოდა. ამის შესახებ ინფორმაციას ჩრდილოეთ კორეის სახელმწიფო მედიაზე დაყრდნობით Reuters ავრცელებს.

სამხრეთ კორეის სადაზვერვო სამსახურის შეფასებით, ჩრდილოეთ კორეამ 10 000-ზე მეტი სამხედრო რუსეთის მხარდასაჭერად უკრაინაში მიმდინარე ომში უკვე გაგზავნა და, სავარაუდოდ, კიდევ ერთი დესანტის გაგზავნასაც გეგმავს.

შარშან ივნისში კიმ ჩენ ინმა და ვლადიმირ პუტინმა სტრატეგიულ პარტნიორობის შეთანხმებას (რომელიც ორმხრივ თავდაცვით პაქტს მოიცავს) ხელი მოაწერეს.

Reuters-ის ცნობით, პუტინისა და აშშ-ის პრეზიდენტ დონალდ ტრამპის შეხვედრამდე, კიმი პუტინს ტელეფონით ესაუბრა და მოსკოვისთვის სრული მხარდაჭერა კიდევ ერთხელ დაადასტურა.