2025 წლის ივლისის მდგომარეობით საქართველოს სახელმწიფო საგარეო ვალი 9.041 მილიარდს დოლარს (დღევანდელი კურსით 24.473 მილიარდ ლარს) შეადგენს, რაც 2024 წლის ანალოგიურ პერიოდთან შედარებით 229.394 მილიონი დოლარით მეტია. ინფორმაციას Bpn.ge ოცნების ფინანსთა სამინისტროს მიერ გამოქვეყნებული მონაცემებზე დაყრდნობით ავრცელებს.

მონაცემების თანახმად, გასული წლის ივლისის მდგომარეობით სახელმწიფო ვალის მოცულობა 8.812 მლრდ დოლარს შეადგენდა. მიმდინარე წლის ივლისის მდგომარეობით უშუალოდ ოცნების მთავრობის საგარეო ვალი 8.705 მილიარდი დოლარი იყო, აქედან მრავალმხრივი კრედიტორების დავალიანება 6.623 მლრდ დოლარს აჭარბებს, ორმხრივი კრედიტორების კი 1.483 მილიარდ დოლარს. საანგარიშო პერიოდში ეროვნული ბანკის საგარეო ვალდებულება 335.9 მილიონ დოლარს შეადგენდა.

გამოცემა წწერს, რომ 2025 წლის ივლისი მონაცემებით, საქართველოს სახელმწიფოს ყველაზე მსხვილი კრედიტორები არიან: აზიის განვითარების ბანკი (ADB), ევროპის საინვესტიციო ბანკი (EIB) და განვითარების საერთაშორისო ბანკი (IBRD).

ვისი ვალი გვაქვს?

ოცნების მთავრობას ვალი აქვს საფრანგეთის — 844 მლნ დოლარი; გერმანიის — 586 მლნ დოლარის; იაპონიის — 120.9 მლნ დოლარის და ა.შ.

მსხვილი კრედიტორები მიმდინარე წლის 31 ივლისის მდგომარეობით:

  • აზიის განვითარების ბანკი (ADB) — 2.438 მლრდ დოლარი
  • მსოფლიო ბანკი, რეკონსტრუქციისა და განვითარების საერთაშორისო ბანკი (IBRD) – 1.733 მლრდ დოლარი
  • ევროპის საინვესტიციო ბანკი (EIB) — 1.180 მლრდ დოლარი
  • მსოფლიო ბანკი, განვითარების საერთაშორისო ასოციაცია (IDA) — 438.4 მლნ დოლარი
    საერთაშორისო სავალუტო ფონდი (IMF) — 165.9 მლნ დოლარი

ოცნების მთავრობას საქართველოს ყველა მეზობელი ქვეყნის ვალი აქვს, რაც ჯამში 6.237 მილიონ დოლარს შეადგენს.

  • რუსეთი — 3.997 მლნ დოლარი;
  • თურქეთი — 1.139 მლნ დოლარი;
  • აზერბაიჯანის — 585 ათასი დოლარი;
  • სომხეთი — 516 ათასი დოლარი.