26 აგვისტოს ემინემის დოკუმენტური ფილმი — Stans გამოდის. 7-10 აგვისტოს ფილმი უკვე გამოჩნდა კინოთეატრების ეკრანებზე, თუმცა ინტერნეტში ხელმისაწვდომი სწორედ თვის ბოლოს გახდება.

ემინემის ჰიტ სიმღერა Stan-ს წელს გამოსვლიდან 25 წელი შეუსრულდა. სიმღერას, რომელიც მომღერლით შეპყრობილ ფანს ეხება, იმდენად დიდი კულტურული გავლენა ჰქონდა მსოფლიოში, რომ ტერმინი "Stan" ოქსფორდის ინგლისურ ლექსიკონშიც კი შევიდა, როგორც შეპყრობილი, გაგიჟებული ფანის განმარტება.

Stan-ის მუსიკალური ვიდეო

Stan-ის მუსიკალური ვიდეო

ფოტო: Eminem

დოკუმენტურ ფილმში ემინემის ნამდვილი ფანები მონაწილეობენ. Stans გვიყვება იმ სირთულეების შესახებ, რომლებიც მსოფლიოს ერთ-ერთი ყველაზე ჩაკეტილი არტისტის მასიურ პოპულარობას მოჰყვება. ფილმში როგორც ემინემის ცხოვრების მომენტების გადათამაშებას, ასევე მრავალ რეალურ, ძველ ჩანაწერს და ორიგინალ ინტერვიუს ვიხილავთ. ეს ისტორია არამხოლოდ ემინემზე, არამედ მის ფანებზეც მოგვითხრობს, რომლებიც მომღერალთან ერთად გაიზარდნენ. ფილმი ფანდომის კულტურას და მის ყველაზე ექსტრემალურ სახეებს გამოიკვლევს.

ფოტო: Paramount+

"Stan ერთ-ერთი ყველაზე განსხვავებული სიმღერაა, რომელშიც ამბავი ფანის პერსპექტივიდანაა მოთხრობილი, ამიტომ ამ ფილმსაც განსხვავებული მიდგომა სჭირდებოდა", — განაცხადა ფილმის რეჟისორმა სტივენ ლეკარტმა — "ფილმის შექმნისას მუდამ სიმღერის ერთ ტექსტს ვუბრუნდებოდით:

ზუსტად შენნაირი ვარ

ფოტო: VICE

"ფილმი სწორედ იმ ფანებზეა, რომლებიც ასე გრძნობენ თავს. თუმცა, როგორც სიმღერაში, ასევე ფილმში აუცილებელი იყო ემინემის პერსპექტივაც და მისი მადლობელი ვარ, რომ ასეთი გულახდილი და მხიარული იყო".

იხილეთ ფილმის ტრეილერი: