ნარკოპოლიტიკის ლიბერალიზაციის მოთხოვნით რამდენიმე ასეული ადამიანი შეიკრიბა 17 ივნისს თბილისში, რუსთაველის მეტროსთან, რის შემდეგაც მოეწყო მსვლელობა პარლამენტის შენობისკენ. ხალხის რაოდენობის გამო, რუსთაველის გამზირზე საავტომობილო მოძრაობა დროებით შეწყვეტილი იყო. აქცია თეთრი ხმაურის მოძრაობის ორგანიზებით გაიმართა. მონაწილეები ქვეყანაში არსებულ ნარკოპოლიტიკას აპროტესტებდნენ.

აქციის ერთ-ერთმა ორგანიზატორმა ბექა წიქარიშვილმა On.ge-ს განუმარტა, რომ 17 ივნისი სიმბოლური თარიღია, რადგან შარშან ამ დღეს ლევან აბზიანიძე გარდაიცვალა ნარკოლოგიური შემოწმების დროს. მისი თქმით, აბზიანიძეს პოლიციელებმა 3 აბი შარდმდენი ძალით დაალევინეს, რის შემდეგაც ის გულის შეტევით გარდაიცვალა.

აქცია რეპრესიული ნარკოპოლიტიკის წინააღმდეგ. 17 ივნისი, 2016.

ფოტო: თორნიკე მანდარია / On.ge

„სხვა საკითხებთან ერთად, ჩვენ ვითხოვთ ლევან აბზიანიძის საქმის გამოძიების სასწრაფოდ დასრულებას“ - ამბობს წიქარიშვილი, – „ეს არ არის ნარკოპოლიტიკა, ეს არის ნარკოტერორი და ნარკოფაშიზმი“.

პარლამენტთან მისვლის შემდეგ, აქციის მონაწილეებმა ხელისუფლების მიმართ თავიანთი მთავარი მოთხოვნები წარმოადგინეს:

  1. მოხდეს ნარკოტიკული საშუალებების მოხმარების უპირობო დეკრიმინალიზაცია
  2. დაუყოვნებლივ შეწყდეს ადამიანის ღირსების შემლახავი ურინოტესტირების პრაქტიკა.
  3. მოხდეს პირადი მოხმარების მიზნით ნივთიერებათა ოდენობების ადეკვატურად განსაზღვრა.
  4. მოხდეს პირადი მოხმარების მიზნით მცირე ოდენობის ფლობის დეკრიმინალიზაცია.
  5. მოხდეს ნარკოტიკული საშუალებების მოხმარებისათვის არსებული ჯარიმების გაუქმება.
  6. მოხდეს წამალდამოკიდებული პირებისთვის მკურნალობა-რეაბილიტაციის, ზიანის შემცირების სერვისების დანერგვა და საჭირო ფინანსების გამოყოფა.
  7. შეწყდეს ნარკოტიკების მომხმარებელთა სტიგმატიზაცია, მათი ჯანმრთელობის სტატუსის მიხედვით დისკრიმინაცია.

პარლამენტთან შეკრებილ ხალხს მიმართა ნარკოდანაშაულისთვის გასამართლებული ერთ–ერთი მოქალაქის მეგობარმა ტასო ჭიჭინაძემ: “სახელმწიფო ჩვენს ნაცვლად წყვეტს, თუ რა გვვნებს და რა არ გვარგებს და მეორე მხრივ, პერმამენტულად გვჩაგრავს, გვაცხოვრებს მუდმივი შიშის რეჟიმში. აღარ არის სიჩუმისა და მოთმენის დრო, ხმაურის დროა!“.

აქცია პარლამენტის წინ დაახლოებით 2 საათს გაგრძელდა.

აქცია რეპრესიული ნარკოპოლიტიკის წინააღმდეგ. 17 ივნისი, 2016.

ფოტო: თორნიკე მანდარია / On.ge

აქცია რეპრესიული ნარკოპოლიტიკის წინააღმდეგ. 17 ივნისი, 2016.

ფოტო: თორნიკე მანდარია / On.ge

აქცია რეპრესიული ნარკოპოლიტიკის წინააღმდეგ. 17 ივნისი, 2016.

ფოტო: თორნიკე მანდარია / On.ge

აქცია რეპრესიული ნარკოპოლიტიკის წინააღმდეგ. 17 ივნისი, 2016.

ფოტო: თორნიკე მანდარია / On.ge

აქცია რეპრესიული ნარკოპოლიტიკის წინააღმდეგ. 17 ივნისი, 2016.

ფოტო: თორნიკე მანდარია / On.ge

აქცია რეპრესიული ნარკოპოლიტიკის წინააღმდეგ. 17 ივნისი, 2016.

ფოტო: თორნიკე მანდარია / On.ge