მთავრობის პრესსამსახურის განცხადებით, პრემიერ-მინისტრ გიორგი კვირიკაშვილისა და გერმანიის კანცლერის, ანგელა მერკელის დღევანდელ შეხვედრაზე პოლიტიკურ და ეკონომიკურ სფეროში, საქართველო-გერმანიის თანამშრომლობის დინამიკაზე გამახვილდა ყურადღება.

დღეს, 27 სექტემბერს, გერმანიის საპარლამეტო არჩვენებში გამარჯვებიდან რამდენიმე დღეში პრემიერ-მინისტრი გიორგი კვირიკაშვილი ანგელა მერკელს კანცლერის ადმინისტრაციაში შეხვდა.

გავრცელებულ განცხადებაში ვკითხულობთ, რომ კვირიკაშვილმა ანგელა მერკელს ევროკავშირთან მეტი პოლიტიკური და ეკონომიკური კავშირის მნიშვნელობაზე ესაუბრა. ასევე, განიხილეს რუსეთ-საქართველოს კონფლიქტი და საქართველოს ოკუპირებულ ტერიტორიებზე და საოკუპაციო ხაზზე არსებული მდგომარეობა.

საზოგადოებრივი მაუწყებლის ჟურნალისტი ადგილიდან იუწყება, რომ ანგელა მერკელსა და გიორგი კვირიკაშვილს შეხვედრის შემდეგ მედიასთან კომენტარი არ გაუკეთებიათ.

ქართული მხარიდან შეხვედრას ვიცე-პრემიერი, საგარეო საქმეთა მინისტრი მიხეილ ჯანელიძე, პრემიერ-მინისტრის მრჩეველი საგარეო ურთიერთობათა საკითხებში თედო ჯაფარიძე და საქართველოს საგანგებო და სრულუფლებიანი ელჩი გერმანიის ფედერაციულ რესპუბლიკაში, ლადო ჭანტურია ესწრებოდნენ.