ოთხშაბათს, 16 ივლისს, ბელგიაში თუმოროულენდის ფესტივალის დაწყებამდე ერთი დღით ადრე, მისი მთავარი სცენა ხანძრის შედეგად მთლიანად განადგურდა.

როგორც ორგანიზატორებმა განაცხადეს, შედეგად არავინ დაშავებულა და ფესტივალი გეგმის მიხედვით ჩატარდება.

თუმოროულენდზე დასწრებას წელს დაახლოებით 100 ათასი ადამიანი გეგმავდა, 38 ათასი მათგანი კი ამ დღეების განმავლობაში ფესტივალის ტერიტორიაზე, ბანაკში ცხოვრობდა. თუმცა, ხანძარს ისინი არ შეუშინებია — თუმოროულენდის წარმომადგენელმა თქვა:

ზოგიერთმა თანხის ანაზღაურება მოითხოვა, თუმცა ეს ხალხი დამსწრეთა ძალიან დაბალ პროცენტს წარმოადგენს, უმრავლესობა მაინც მოდის ფესტივალზე

"ჩვენს სიყვარულს ვერცერთი ხანძარი ვერ გაანადგურებს"

"ჩვენს სიყვარულს ვერცერთი ხანძარი ვერ გაანადგურებს"

ფანი ფესტივალზე

ფოტო: AP Photo/Omar Havana

ფესტივალი 18 ივლისს

ფესტივალი 18 ივლისს

ფოტო: AP Photo/Omar Havana

ბელგიაში სპეციალურად ამ ფესტივალზე დასასწრებად ხალხის ნაწილი უცხო ქვეყნებიდან, მათ შორის ავსტრალიიდანაც კი ჩავიდა, ხანძარმა კი უამრავ ადამიანს დასწყვიტა გული. თუმცა დარდი მალევე გაუქარწყლდათ — ფესტივალი გეგმის მიხედვით, ყველანაირი შეფერხების გარეშე ჩატარდა. გასული 2 დღის განმავლობაში ტერიტორიის მოსაწესრიგებლად ასობით მეხანძრესთან ერთად უამრავი ადამიანი მუშაობდა.

დამწვარი სცენა

დამწვარი სცენა

ფოტო: Belga/AFP/Getty Images

ხანძრის გაჩენის მიზეზი ჯერ კიდევ უცნობია და მიმდინარეობს გამოძიება.