საქართველოს პრემიერ-მინისტრი, გიორგი კვირიკაშვილი საქართველოში ქეთევან დედოფლის ნაწილების ჩამოტანას მთავრობის სხდომაზე გამოეხმაურა. მან მართლმადიდებლებს ქეთევან დედოფლის ხსენების დღე მიულოცა და მისი ნაწილების ქვეყანაში ჩამოტანა უდიდეს მოვლენად შეაფასა.

"ღმერთმა ქნას, რომ ამ უდიდესი მოწამის სული შეეწიოს საქართველოს და მართლაც ძალიან დიდი რამ მოხდა, რაც წლების განმავლობაში იყო სანატრელი და მიუღწეველი დღეს შესაძლებელი გახდა", - აღნიშნა პრემიერმა.

ქეთევან დედოფლის ნაწილები საქართველოში ინდოეთიდან 24 სექტემბერს ჩამოიტანეს. მისი საქართველოში ექვსი თვით ტრანსპორტირება 343 ათასი ლარი ჯდება.