საზღვაო ტრანსპორტის სააგენტოს ხელმძღვანელს, ალექსი ახვლედიანს, რომელიც აჭარის ავტონომიური მთავრობის ყოფილი თავმჯდომარის თორნიკე რიჟვაძის საქმეზე დააკავეს, 30 000-ლარიანი გირაო შეუფარდეს და სასამართლო დარბაზიდან გაათავისუფლეს.

თორნიკე რიჟვაძე 2025 წლის 7 ივლისს, საგარეჯოს "ჯეოჰოსპიტალსში" გულმკერდის არეში ცეცხლნასროლი ჭრილობით შეიყვანეს. გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

ექიმების განმარტებით, მას ფილტვი ჰქონდა დაზიანებული.

თორნიკე რიჟვაძის საქმეზე, ცეცხლსასროლი იარაღის დაუდევრად შენახვისთვის, საქართველოს სისხლის სამართლის კოდექსის 238-ე მუხლით, საზღვაო ტრანსპორტის სააგენტოს უფროსი ალექსი ახვლედიანი დააკავეს.

პირველი საუნივერსიტეტო­ კლინიკის დირექტორის, ლევან რატიანის თქმით, თორნიკე რიჟვაძის ზოგადი მდგომარეობა არის დადებითი დინამიკით — კონტაქტურია, ადეკვატურია, ასრულებს მარტივ დავალებებს.

მეტი თორნიკე რიჟვაძის თვითმკვლელობამდე მიყვანის საქმეზე;