ოცნების პარლამენტის თავმჯდომარე, შალვა პაპუაშვილი აჭარის მთავრობის ყოფილი თავმჯდომარის თორნიკე რიჟვაძის თვითმკვლელობის მცდელობის ფაქტს გამოეხმაურა. მან თორნიკე რიჟვაძეს გამოჯანმრთელება უსურვა და აღნიშნა, რომ გამოძიება ყველა დეტალს გაარკვევს.

"რა თქმა უნდა, მძიმე შემთხვევაა. სწრაფ გამოჯანმრთელებას ვუსურვებ თორნიკე რიჟვაძეს.

ამ შემთხვევასთან დაკავშირებით გამოძიება მიმდინარეობს და გამოძიება ყველა დეტალს გაარკვევს. თქვენს ვერსიებზე შეგიძლიათ თქვენ იფიქროთ. შინაგან საქმეთა მინისტრი თავად იმყოფებოდა შემთხვევის ადგილზე. გამოძიება დაადგენს. სხვა დეტალი მე არაფერი არ ვიცი.

ოპოზიცია რას იტყვის ახლა.. ოპოზიციის ნათქვამზე ხომ არ არის... მოხდა მძიმე შემთხვევა. მოხდა მძიმე შემთხვევა. შინაგან საქმეთა სამინისტრო იძიებს საკითხს. შინაგან საქმეთა მინისტრი თავად იყო შემთხვევის ადგილზე და გამოძიებაა შეეცდება დაადგინოს ყველა დეტალი.," — თქვა შალვა პაპუაშვილმა.

ცნობისთვის, შსს-ს ცნობით, 2025 წლის 7 ივლისს, საგარეჯოს "ჯეოჰოსპიტალსში", შეყვანილი იქნა აჭარის ავტონომიური რესპუბლიკის მთავრობის ყოფილი თავმჯდომარე თორნიკე რიჟვაძე, რომელსაც გულმკერდის არეში ცეცხლნასროლი ჭრილობა აღენიშნებოდა. საგარეჯოდან რიჟვაძე თბილისში, პირველ საუნივერსიტეტო კლინიკაში გამოიყვანეს

შინაგან საქმეთა სამინისტროში გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს. ფაქტთან დაკავშირებით მიმდინარეობს ინტენსიური საგამოძიებო მოქმედებები.