გიორგი გახარია გერმანიის იუსტიციის ფედერალურ მინისტრს, დოქტორ სტეფანი ჰუბიგს შეხვდა. ინფორმაციას პარტია სოციალურ ქსელში ავრცელებს.

მათივე ცნობით, შეხვედრის მიზეზი საქართველოში ავტორიტარიზმის ესკალაციაზე არსებითი ინფორმაციის გაზიარება იყო.

"გიორგი გახარია გერმანიის იუსტიციის ფედერალურ მინისტრს, დოქტორ სტეფანი ჰუბიგს შეხვდა, რათა საქართველოში ავტორიტარიზმის ესკალაციაზე არსებითი ინფორმაცია გაეზიარებინა.

განიხილეს პოლიტიკური პატიმრების გათავისუფლების გადაუდებელი აუცილებლობა, ახალგაზრდა აქტივისტებისა და ოპოზიციის ლიდერების განზრახ მიზანმიმართული მიზანმიმართული თავდასხმა და ქართული ოცნების მიერ დემოკრატიული სივრცის სისტემატური დემონტაჟისა და იარაღის გამოყენებით განხორციელებული პოლიტიკური დევნის კამპანია.

ვაფასებთ გერმანიის პრინციპულ ჩართულობას და კანონის უზენაესობის, დემოკრატიული ღირებულებებისა და ფუნდამენტური პოლიტიკური თავისუფლებების დაცვისადმი მუდმივ ერთგულებას საქართველოში მზარდი ავტორიტარული საფრთხეების ფონზე" — წერია ინფორმაციაში.

შეგახსენებთ, რომ გახარია საქართველოსთვის ლიდერი, ყოფილი პრემიერი და შინაგან საქმეთა მინისტრი გიორგი გახარია ოცნების პარლამენტის დროებით საგამოძიებო კომისიაზე 23 ივნისს მეორედ დაიბარეს. საქართველოში არყოფნის გამო, მან წულუკიანის კომისიას ონლაინ-რეჟიმში მონაწილეობა შესთავაზა, რაზეც უარი მიიღო. წულუკიანის თქმით, გიორგი გახარია კომისიაზე 2 ივლისსაა დაბარებული.

ასევე იხილეთ: