იემენის ამბოხებულმა ჰუსიტებმა შაბათს, 21 ივნისს აშშ-ს მისამართით მკაცრი გაფრთხილება გაავრცელეს. მათ მოუწოდეს აშშ-ს, არ ჩარეულიყო ირანზე შეტევებში.

განცხადებაში ჰუსიტები ამბობდნენ, რომ თუ აშშ შეუერთდებოდა ამ კონფლიქტს ირანის საწინააღმდეგოდ, თუ ისინი თავს დაესხმებოდნენ ბირთვულ ან სამხედრო ობიექტებს — მაშინ ჰუსიტები მიზანში წითელ ზღვაში მყოფ ამერიკულ გემებს ამოიღებდნენ.

"თუ აშშ მონაწილეობას მიიღებს ირანზე თავდასხმასა და აგრესიაში მტერთან, ისრაელთან ერთად, ჩვენი შეიარაღებული ძალები მიზანში ამოიღებენ მათ გემებსა და სამხედრო ხომალდებს წითელ ზღვაში," — განაცხადა ირანის მხარდაჭერილი დაჯგუფების სამხედრო წარმომადგენელმა, იაჰია სარეემ.

შეგახსენებთ, რომ ამერიკის შეერთებულმა შტატებმა 22 ივნისს, ამ განცხადებიდან ერთი დღის შემდეგ, ირანის სამი მნიშვნელოვანი პუნქტი დაბომბა, რომელთა შორისაც ორი ბირთვული ობიექტი იყო. ატომური ენერგიის საერთაშორისო სააგენტოს ცნობით, დაბომბვის შედეგად ირანის ბირთვულ ობიექტებზე რადიაციის დონე არ გაზრდილა.