ირანის სახელმწიფო ტელევიზიის ცნობით, ირანმა ისრაელში რამდენიმე ობიექტი დაბომბა, მათ შორის ბენ-გურიონის აეროპორტი. ამის შესახებ ინფორმაციას BBC ავრცელებს.

მათი ცნობით, სხვა სავარაუდო სამიზნეებს შორისაა დამხმარე ბაზები, სამეთაურო და საკონტროლო ცენტრები და ბიოლოგიური კვლევების ცენტრი.

ირანის სახელმწიფო მედიის ცნობით, ისლამური რევოლუციის გუშაგთა კორპუსმა (IRGC) განაცხადა, რომ თავდასხმა შორი მოქმედების რაკეტების გამოყენებით განხორციელდა. მათი თქმით, მათ რაკეტები ისროლეს ისრაელის მიერ ოკუპირებულ პალესტინის ტერიტორიაზე და მათი სამიზნეც ბენ გურიონის აეროპორტი და რამდენიმე სამხედრო შტაბ-ბინა იყო.

შაბათს დილით, ირანის რევოლუციის გუშაგთა კორპუსმა გამოაცხადა ოპერაცია "ჭეშმარიტი დაპირება 3-ის" მე-18 ფაზის დაწყების შესახებ, რომელშიც გამოყენებული იქნება მრავალი კამიკაძე დრონი და საბრძოლო დრონი, როგორიცაა Shahed 136, ასევე ზუსტი მართვადი მყარი და თხევადი საწვავის რაკეტები.