შინაგან საქმეთა სამინისტრის ინფორმაციით, სამართალდამცავებმა ბათუმში 1959 წელს დაბადებული, აზერბაიჯანის მოქალაქე კარინა გ. პროსტიტუციისთვის ადგილის გადაცემის ბრალდებით დააკავეს.

როგორც უწყება აცხადებს, გამოძიებამ დაადგინა, რომ ბრალდებული ბათუმში, იჯარით აღებულ სასტუმროში, გარკვეული თანხის სანაცვლოდ, ქალებს პროსტიტუციისთვის ფართს უთმობდა.

სამართალდამცველებმა სასტუმროს მომსახურე პერსონალი და ქალები მოწმის სახით დაკითხეს. პოლიციის ინფორმაციით, დაკავებული ჩადენილ დანაშაულს აღიარებს.

გამოძიება პროსტიტუციისთვის ადგილის გადაცემის ფაქტზე მიმდინარეობს საქართველოს სისხლის სამართლის კოდექსის 254-ე მუხლით. დამტკიცების შემთხვევაში, დანაშაული, დამტკიცების შემთხვევაში, ისჯება ჯარიმით, ან 2–დან 4 წლამდე პატიმრობით.