ამერიკის შეერთებული შტატების ჰელსინკის კომისიის თავმჯდომარე, რესპუბლიკელი კონგრესმენი ჯო უილსონი საქართველოში უწყვეტი პროტესტის მე-200 დღესთან დაკავშირებით საკუთარ სოციალურ ქსელში განცხადებას ავრცელებს.

"მსოფლიო აღფრთოვანებულია ქართველი ხალხით, რომელიც ზედიზედ 200 დღის განმავლობაში აპროტესტებდა ანტიამერიკული ქართული ოცნების რეჟიმს, რომელიც ცდილობს მათი ქვეყნის ჩინეთზე გაყიდვას. საქართველო თავისუფალი იქნება და ის თაღლითებს არ ეკუთვნის",— წერს კონგრესმენი.

შეგახსენებთ, უწყვეტი პროტესტის მე-200 დღეს, მოქალაქეები თბილისში 3 ლოკაციაზე შეიკრიბნენ: კანცელარიასთან, რესპუბლიკის მოედანზე და საზოგადოებრივ მაუწყებელთან. აქციის ორგანიზატორები ხელისუფლების გადადგომას, "მიტაცებული ძალაუფლების" დათმობას და "რეჟიმის ტყვეების" გათავისუფლებას მოითხოვდნენ.