სანამ ამ ზაფხულს ჰარი პოტერის სერიალის გადაღებები სტარტს აიღებდეს, HBO-მ პროექტში ჩართული კიდევ რამდენიმე მსახიობის ვინაობა გაგვიმხილა. ჰოგვორტსის სტუდენტების შემსრულებელ ახალბედა მსახიობებთან ერთად, რომელთა უმეტესობისთვისაც ეს სერიალი საეკრანო დებიუტი იქნება, პოტერიადის ახალ ადაპტაციაში არაერთ შემდგარ ვარსკვლავსაც ვიხილავთ.

მაგალითად, ლუციუს მალფოის შემსრულებელი ჯონი ფლინი შეიძლება გახსოვდეთ დევიდ ბოუის ცხოვრებაზე გადაღებული ფილმიდან Stardust, სადაც მთავარი როლი შეასრულა. ჩვენი საყვარელი მოლი უიზლის როლს კი BAFTA-ის ორგზის გამარჯვებული კეთრინ პარკინსონი მოირგებს.

1. ლოქს პრეტი დრაკო მალფოის როლში

ფოტო: HBO; Peter Mountain / Warner Bros

2. ჯონი ფლინი ლუციუს მალფოის როლში

ფოტო: Matt Keeble / Dave Benett / Getty; Warner Bros.

3. კეთრინ პარკინსონი მოლი უისლის როლში

ფოტო: Tim Whitby / BAFTA / Getty; Courtesy of Warner Bros. Pictures

4. ბელ პოული პეტუნია დერსლის როლში

ფოტო: Dave Benett / Getty; Murray Close / Warner Bros.

5. დენიელ რიგბი ვერნონ დერსლის როლში

ფოტო: Joe Maher / Getty; Murray Close / Warner Bros. / Courtesy Everett

6. ბერტი კარველი კორნელიუს ფაჯის როლში

ფოტო: Dave Benett / Getty; Warner Brothers / Courtesy Everett

7. ლეო ერლი სიმუს ფინიგანის როლში

ფოტო: HBO; Murray Close / Warner Bros.

8. ალესია ლეონი პარვატი პეტილის როლში

ფოტო: HBO; Warner Brothers / Courtesy Everett

9. სიენა მუსა ლევენდერ ბრაუნის როლში

ფოტო: HBO; Jaap Buitendijk / Warner Bros.

წლების განმავლობაში გავრცელებული ხმები, ჰარი პოტერის სერიალზე მუშაობის შესახებ, საბოლოოდ 2023 წელს დადასტურდა. მაშინ გავიგეთ ისიც, რომ სერიალი მთელ ათწლეულს გასტანს, თითოეულ წიგნს კი თითო სეზონი დაეთმობა. პროექტში აქტიურად იქნება ჩართული წიგნების ავტორი ჯოან როულინგიც, რომელიც აღმასრულებელი პროდიუსერის როლს მოირგებს.

ჯოან როულინგის ჰარი პოტერი ყველა დროის ერთ-ერთი ყველაზე პოპულარული წიგნების სერიაა. ის თარგმნილია 87 ენაზე და მსოფლიოში 600 მილიონზე მეტ ეგზემპლარად არის გაყიდული. შვიდწიგნეულის მიხედვით გადაღებული რვავე ფილმის შემოსავალმა კი ჯამში $7,7 მილიარდს გადააჭარბა.

ნახეთ ჩვენი ყველა მასალა ჰარი პოტერზე.