ქართველი მოდელი მარიშა ურუშაძე მილანის მოდის კვირეულზე იტალიური მოდის სახლის Gucci-ს ექსკლუზიური მოდელი გახდა.

ეს იმას ნიშნავს, რომ სხვა სამოდელო სახლებს თავის ჩვენებებში მარიშას აყვანის უფლება არ ექნებათ.

"იყო ექსკლუზიური მოდელი, ამა თუ იმ წამყვანი ბრენდის, ნიშნავს მოდელის კარიერის ბრწყინვალე და საოცნებო დასაწყისს, რაც აამაღლებს მის სტატუს მაღალი მოდის ინდუსტრიაში და სამომავლოდ უზრუნველყოფს მის გამოსვლას მხოლოდ ტოპ ბრენდების ჩვენებებზე" - წერს ფეისბუკზე Look Modéls Managemént.

ექსკლუზივი მხოლოდ მილანის მოდის კვირეულს შეეხება, რაც იმას ნიშნავს, რომ პარიზის მოდის კვირეულზე ქართველ მოდელს საშუალება ექნება სხვა დიზაინერების შეთავაზებას დათანხმდეს და მათ ჩვენებებშიც მიიღოს მონაწილეობა.