საქართველოს გენერალური აუდიტორი ირაკლი მექვაბიშვილი გახდა. ის ამ თანამდებობაზე ხუთი წლის ვადით იმუშავებს. მის კანდიდატურას მხარი პარლამენტის 80-მა დეპუტატმა დაუჭირა მხარი. პარლამენტში მექვაბიშვილის თანამდებობაზე დამტკიცებაზე კენჭისყრა დღეს, 20 სექტემბერს ჩატარდა.

საქართველოს პარლამენტის თავმჯდომარე ირაკლი კობახიძემ გენერალური აუდიტორის თანამდებობაზე ირაკლი მექვაბიშვილი 8 სექტემბერს დაასახელა. მექვაბიშვილი ევროპის რეკონსტრუქციისა და განვითარების ბანკის წარმომადგენელი იყო.

ყოფილ მთავარ აუდიტორს, ლაშა თორდიას უფლებამოსილება თვენახევრის წინ ამოეწურა, ხელმძღვანელის მოვალეობას კი მისი მოადგილე, ნინო ლომჯარია ასრულებს.

აუდიტის სამსახურის ხელმძღვანელის თანამდებობაზე თბილისის მოქმედი მერი, დავით ნარმანიაც განიხილებოდა, რასაც მერიც ადასტურებდა.