2018 წლის 23 იანვარს, ამერიკის კინოაკადემია ოსკარის ნომინანტებს დაასახელებს, მათ შორის ერთ-ერთი მთავარი კატეგორია - უცხოენოვანი ფილმიც იქნება, რომელზეც საქართველოდან ანა ურუშაძის საშიში დედა გაიგზავნა.

ამ ეტაპზე საკუთარი რჩეული ფილმი აკადემიას უკვე 50-ზე მეტმა ქვეყანამ გაუგზავნა, მათ შორის არის საფრანგეთი, გერმანია, შვედეთი, ბრაზილია, იტალია და ა.შ

თუმცა 23 იანვრამდე, სანამ საბოლოო ნომინანტებს გავიგებთ, ამ ფილმებიდან ამერიკის კინოაკადემია 8-დან 10 ფილმამდე საუკეთესოებს გადაარჩევს და ბოლოს მათგან ხუთს მისცემს შანსს ოსკარის მოსაპოვებლად იბრძოლოს.

მოდით თვალი გადავავლოთ იმ ფილმების ნაწილს, რომლებიც ამ გზაზე ქართული კინოსურათის კონკურენტები იქნებიან.

ავსტრია - Happy End

ჰანეკეს ფილმი 2017 წელს კანის საკონკურსო პროგრამაში მოხვდა, თუმცა ოქროს პალმის რტო ვერ დაიმსახურა. კინოსურათში მთავარ როლს იზაბელ იუპერი ასრულებს.

ტრეილერი:

კამბოჯა - First They Killed My Father

კამბოჯამ ოფიციალურად გადაწყვიტა, რომ 2018 წლის ოსკარზე, მათი ქვეყნის სახელით უცხოენოვანი ფილმის ნომინაციაზე ანჯელინა ჯოლის ახალი ფილმი First They Killed My Father წარადგინოს. კამობჯელები ამბობენ, ეს ფილმი ხელოვნების ნიმუშია, რომელიც ზედმიწევნით ასახავს მათი ქვეყნის ისტორიის ნაწილს.

ტრეილერი:

ჩილე - A Fantastic Woman

სებასტიან ლელიოს ფილმი ბერლინალეს საერთაშორისო კინოფესტივალის საკონკურსო პროგრამაში იყო. საბოლოოდ კი ვერცხლის დათვი დაიმსახურა საუკეთესო სცენარისთვის. ფილმში მთავარ როლს დანიელა ვეგა ასრულებს.

ტრეილერი:

საფრანგეთი - 120 Beats per Minute

წლის ერთ-ერთი მნიშვნელოვანი ფილმი - ასე მოიხსენიებს საერთაშორისო პრესა რობინ კამპილოს ფილმს, რომელსაც კანის კინოფესტივალზე ჟიურიმ გრანპრიც კი გადასცა. სიუჟტი საფრანგეთში, 90-იანი წლებში აივ ინფექციის რისკებსა და მასთან ბრძოლის შესახებ მოგვითხრობს. აღსანიშნავია, რომ ფილმში აქცენტი არა მხოლოდ აივ ინფექციის რისკებზე, არამედ სკოლაში სქესობრივი განათლების აუცილებლობასაც ეხება.

ტრეილერი:

გერმანია - In the Fade

ფატიჰ აკინის ფილმი წელს კანის კინოფესტივალის საკონკურსო პროგრამის ერთ-ერთი განხილვადი ფილმი იყო. მთავარი როლის შემსრულებელმა დაიან კრიუგერმა კი საუკეთესო მსახიობის ნომინაციაში ჯილდოც დაიმსახურა.

ტრეილერი:

უნგრეთი - On Body and Soul

უნგრული ფილმი ბერლინის საერთაშორისო კინოფესტივალის გამარჯვებული გახდა, ამავდროულად ფილმმა კინოკრიტიკოსთა ჯილდოც დაიმსახურა.

ტრეილერი:

შვედეთი - The Square

კანის კინოფესტივალზე ოქროს პალმის რტო შვედმა რეჟისორმა, რუბენ ოსტლუნდმა, სწორედ ამ ფილმისთვის დაიმსახურა. ფილმში ერთ-ერთ როლს The Handmaid's Tale-ის ვარსკვლავი, ელიზაბეტ მოსი ასრულებს, რომელმაც წელს ქალის საუკეთესო როლისთვის ემი დაიმსახურა.

ტრეილერი:

რაც შეეხება ქართულ ფილმს:

საშიში დედა

საშიში დედა, რომელშიც მთავარ როლს ნატა მურვანიძე ასრულებს, აკრძალვებსა და სტერეოტიპებზე, მორალურ ნორმებსა და სოციალურ პასუხისმგებლობაზე მოგვითხრობს.

ფილმი 50 წლის ქალის - მანანას ცხოვრებას ასახავს. დედა და დიასახლისი დილემის წინაშე დგას, მას უწევს არჩევანი გააკეთოს ოჯახურ ცხოვრებასა და დიდი ხნის ვნებიან გატაცებას შორის. მანანა ცხოვრების აზრს წერაში პოულობს.