თბილისის საქალაქო საქართველოს რკინიგზის შენობასთან 24 აგვისტოს წვრილმანი ხულიგნობისთვის და სამართალდამცავების დაუმორჩილებლობისთვის დაკავებული 10 პირიდან ოთხი დააჯარიმა. ამის შესახებ On.ge-ს ექვსი დაკავებულის სამართლებრივი უფლებების დამცველმა, საქართველოს ახალგაზრდა იურისტთა ასოციაციის იურისტმა, ნონა ქურდევანიძემ განუცხადა.

ქურდევანიძე ამბობს, რომ იმ ექვსი პირიდან, რომლის უფლებებსაც ის იცავდა სასამართლომ სამს სანქცია დააკისრა, რასაც არ ეთანხმება და სააპელაციო სასამართლოში გაასაჩივრებს.

"სასამართლოს გადაწყვეტილება ჩვენთის გაურკვეველი და ბუნდოვანია. ისევე არ დასტურდებდა ამ ოთხი პირის მხრიდან სამართალდარღვევის ჩადენა, როგორც იმ პირების მხრიდან, ვის ნაწილშიც შეწყვიტა სამართალწარმოება. რეალურად ის გარემოებები, რასაც პოლიცია ედავებოდა აქციის მონაწილეებს მტკიცებულებებით არ დასტურდებოდა. მხოლოდ პოლიციელების ახსნა-განმარტებები და მათ მიერ შედგენილი ოქმები იყო წარმოდგენილი", - აღნიშნავს ნონა ქურდევანიძე.

24 აგვისტოს საღამოს გამართულ აქციაზე, მოშიმშილეებმა საქართველოს რკინიგზის შენობაში შესვლა და შიმშილობის ფოიეში გაგრძელება გადაწყვიტეს. ამის მიზეზი გახდა სასამართლოს გადაწყვეტილება, რომლის მიხედვითაც, მოშიმშილეებს რკინიგზის ცენტრალური ოფისის მიმდებარედ არ მიეცათ კარვების გაშლის ნებართვა.

საპროტესტო აქციის მონაწილეები თავდაპირველად სამუშაო პირობების გაუმჯობესებას მოითხოვდნენ. მოგვიანებით, მათ მოთხოვნებს საქართველოს რკინიგზის პრესსამსახურის უფროსის დაჩი ცაგურიასა და რკინიგზის ინფრასტრუქტურის დირექტორის ვასილ ხორავას გათავისუფლების მოთხოვნა დაემატა.