ემის მფლობელი მსახიობი, ელიზაბეტ მოსი წლის საუკეთესო დრამატულ სერიალში თამაშის შემდეგ ახალ პროექტზე იწყებს მუშაობას.

Call Jane - ასე ჰქვია ახალ ფილმს, რომლის რეჟისორიც საიმონ კურტისი იქნება. რაც შეეხება პროდიუსერს, კინოსურათს რობი ბრენერი ჩაიბარებს, რომელსაც ნამუშევარი აქვს ისეთ პროექტზე, როგორიც არის Dallas Buyers Club და სხვა.

ფილმის სიუჟეტი 1960-იანი წლების ჩიკაგოში ვითარდება და ის ნამდვილ ამბავზეა დაფუძნებული, როდესაც აშშ-ში აბორტი აკრძალული იყო და ქალებს მალულად უწევდათ მისი გაკეთება, რამაც ბევრი მათგანის გარდაცვალება გამოიწვია.

ელიზაბეტ მოსი კინოსურათში ჯეინს განასახიერებს, ქალს, რომელიც არასასურველი ორსულობის შეჩერებას ცდილობს და სწორედ ამ დროს აღმოაჩენს მიწისქვეშეთში მოწყობილ კლინიკას, სადაც ქალები აბორტს იკეთებენ.

როგორც ცნობილია ფილმის გადაღებები 2018 წლის გაზაფხულზე დაიწყება.