ოცნების პარლამენტის ბიუროს სხდომაზე საკანონმდებლო პაკეტი დაინიცირდა, რომლის მიხედვით, გაუქმდება სპეციალური საგამოძიებო სამსახური, სპეციალური საგამოძიებო სამსახურის უფროსის, მისი პირველი მოადგილისა და მოადგილის თანამდებობები. ამ თანამდებობის პირებისათვის და სამსახურის თანამშრომლებისთვის კი ფულადი კომპენსაციის მიცემის ვალდებულება განისაზღვრება.

კანონპროექტის თანახმად, სისხლის სამართლის ის საქმეები, რომლებზეც სპეციალური საგამოძიებო სამსახურის ქვემდებარეობა ვრცელდებოდა, პროკურატურის საგამოძიებო ქვემდებარეობაში გადავა.

ინფორმაცია სპეციალური საგამოძიებო სამსახურის გაუქმების შესახებ დღეს გავრცელდა.

ინფორმაცია უწყებაშიც დაგვიდასტურეს. პრესსამსახურში გვითხრეს, რომ "დამატებით დეტალები გახდება ცნობილი მას შემდეგ, რაც საქართველოს პარლამენტში ბიუროს წარედგინება საკანონმდებლო ინიციატივა და დეტალურად იქნება განმარტებული ცვლილებების საჭიროება და ფორმები"

"სპეციალუ საგამოძიებო სამსახური შეუერთდება პროკურატურას. საზოგადოებისთვის დამატებით დეტალები გახდება ცნობილი მას შემდეგ, რაც საქართველოს პარლამენტში ბიუროს წარედგინება საკანონმდებლო ინიციატივა და დეტალურად იქნება განმარტებული ცვლილებების საჭიროება და ფორმები", — გვითხრეს სსს-ს პრესსამსახურში.