"დღესდღეობით, რუსეთი მსოფლიო უსაფრთხოებისთვის უდიდეს საფრთხეს წარმოადგენს" - ამბობს პოლონეთის თანდაცვის მინისტრი ანტონი მაცირევიჩი. პოლონური მედიის ინფორმაციით, ამის შესახებ, მინისტრმა ბრიუსელში, NATO-ს თავდაცვის მინისტერიალის შეხვედრის შემდეგ განაცხადა:

"მე ვეთანხმები იმ აზრს, რომ რუსეთს სრულიად განსხვავებული სტრუქტურა აქვს, ვიდრე დასავლეთის ცივილიზებულ ქვეყნებს და ღრმად სწამთ რომ ის ნორმები რაც მათი ტერიტორიის ფარგლებს გარეთ არსებობს, თავად რუსეთს არ ეხება".

მაცირევიჩი ალიანსის კონფერენციაზე 15 ივნისს გამოვიდა. ადგილობრივ მედიასთან საუბრისას მან განაცახა რომ ბოლო დროს, რუსეთის მსგავსად არც ერთ ქვეყანას არ დაურღვევია მსოფლიო წესრიგი:

"რუსეთი ჯერ საქართველოს დაესხა თავს, შემდეგ კი უკრაინას და აგრძელებს დამოუკიდებელი სახელმწიფოების ტერიტორიის ოკუპირებას. იგი ღიად აცხადებს, რომ მისთვის ამ სახელმწიფოს დამოუკიდებლობა და სუვერენიტეტი მიუღებელია".