სამმა ჭიათურელმა მოშიმშილემ, მერაბ გულიაშვილმა, გოჩა კუპრეიშვილმა და ირაკლი ჯიქიძემ ღამე კანცელარიის შენობასთან გაათენეს. მათ ჯანმრთელობის მდგომარეობის გადასამოწმებლად სასწრაფო დახმარება გამოიძახეს. ექიმის თქმით, მოშიმშილეთა მდგომარეობა დამაკმაყოფილებელია.

მოშიმშილე ჭიათურელები მოთხოვნებია:

  • გათავისუფლდეს პატიმრობაში მყოფი 4 ჭიათურელი
  • ჭიათურაში არსებულ ვითარებაში გასარკვევად ჩაერთოს ქართული ოცნების პრემიერმინისტრი ირაკლი კობახიძე

მერაბ გულიაშვილმა, გოჩა კუპრეიშვილმა და ირაკლი ჯიქიძე 17 დღეა შიმშილობენ. მათი ინფორმაციით, ჭიათურაში ასევე შიმშილობს იმედა გაფრინდაშვილი, ხოლო ორი მათგანი —გივი ცერცვაძე და ბექა ჩიხელიძე კლინიკაში იმყოფებიან.

შეგახსენებთ, 29 აპრილის ღამეს, ჭიათურაში, საპროტესტო კარავში პოლიციამ ღამის 3:30 საათზე რეიდი მოაწყო და საპროტესტო აქციის 4 მონაწილე დააკავა. უწყების ინფორმაციით, ბრალდებული მაღაროელები შუქრუთის მაღაროს დირექტორს, 1982 წელს დაბადებულ თენგო კობერიძეს ფიზიკურად დაუპირისპირდნენ და სხეულის სხვადასხვა არეში დაზიანება მიაყენეს.